ທ່ານປະທານປະເທດ ຫງວຽນຊວັນຟຸກ  ເຂົ້າຮ່ວມພິທີໄຂສົກຮຽນໃໝ່ ແລະ ເຮັດວຽກກັບການນຳແຂວງ ອຽນບ໊າຍ

ກ່າວຄຳເຫັນນະທີ່ນີ້, ທ່ານປະທານປະເທດ ຫງວຽນຊວັນຟຸກ ໄດ້ຕີລາຄາສູງເລື່ອງ ແຂວງ ອຽນບ໊າຍ ແມ່ນແຂວງທຳອິດ ນຳດັດຊະນີຄວາມຜາສຸກ ເຂົ້າໃນເອກະສານ ກອງປະຊຸມໃຫຍ່ຄະນະພັກແຂວງ ແລະ ຈາກນັ້ນແມ່ນຜັນຂະຫຍາຍການທົດລອງຮູບແບບ “ໂຮງຮຽນແຫ່ງຄວາມຜາສຸກ” ໃນບໍລິເວນ. ທ່ານປະທານສະພາແຫ່ງຊາດຮຽກຮ້ອງໃຫ້ຂະແໜງການສຶກສາ ແລະ ບຳລຸງສ້າງທົ່ວປະເທດ, ພ້ອມແລ້ວທີ່ຈະປ່ຽນແປງສະພາບການເພື່ອຮັບມືກັບຜົນກະທົບຫຍໍ້ທໍ້ຈາກໂລກລະບາດໂຄວິດ - 19, ທ່ານກໍ່ເນັ້ນໜັກວ່າ: ຍິ່ງຫຍຸ້ງຍາກລຳບາກ ບັນດາຄູສອນ ແລະ ນັກຮຽນໃນທົ່ວປະເທດ ຍິ່ງຕ້ອງມີຄວາມຕັດສິນໃຈມີຄວາມມານະພະຍາຍາມກ່ວາອີກ ເພື່ອຮັບປະກັນຄວາມປອດໄພ, ຄຸນນະພາບ ໃນການສິດສອນ ແລະ ການຮຽນຂອງລະບົບການສຶກສາ.

ແລະກໍ່ໃນຕອນເຊົ້າວັນທີ 7 ກັນຍາ, ເມືື່ອເຮັດວຽກກັບການນຳຫຼັກແຫຼ່ງແຂວງອຽນບ໊າຍ, ທ່ານປະທານປະເທດ ຫງວຽນຊວັນຟຸກ ໄດ້ຮຽກຮ້ອງໃຫ້ແຂວງ ອຽນບ໊າຍຂຸດຄົ້ນບັນດາຄວາມສາມາດບົ່ມຊ້ອນເພື່ອພັດທະນາ, ເປັນຕົ້ນແມ່ນຊັບພະຍາກອນປ່າ, ທີ່ດິນ ແລະ ປະຊາຊົນຂອງແຂວງ. ທ່ານກ່າວວ່າ:

ຂ້າພະເຈົ້າສະເໜີໃຫ້ ແຂວງ ອຽນບ໊າຍ ປະຕິບັດນະໂຍບາຍຮັບປະກັນຊີວິດໃຫ້ແກ່ປະຊາຊົນເປັນຢ່າງດີ ຈາກມີຄວາມອີ່ມໜຳສຳລານ, ມີຂອງກິນຢ່າງພຽງພໍ ກາຍເປັນມີເງິນມີຄຳ, ຮັ່ງມີ, ວັດທະນາຖາວອນ. ດັ່ງນັ້ນ ຊຸດດັດຊະນີຜາສຸກ ເຊິ່ງ ກອງປະຊຸມໃຫຍ່ຄັ້ງທີ XIX ຊຶ່ງແຂວງ ຍົກອອກມາໄດ້ຮັບການສ້າງໂດຍໄວ. ເປັນຕົ້ນແມ່ນ ໃຫ້ປະຊາຊົນສຳຜັດກັບການສຶກສາທີ່ມີຄຸນນະພາບ ແລະ ບັນດາການບໍລິການເບິ່ງແຍງທາງສາທາລະນະສຸກໂດຍພື້ນຖານ, ພິເສດແມ່ນປະຊາຊົນຊົນເຜົ່າສ່ວນໜ້ອຍ. ຢາກປັບປຸງຊີວິດການເປັນຢູ່ຂອງພໍ່ແມ່ປະຊາຊົນເຂດຊົນເຜົ່າ, ເຂດທຸກຍາກ ຕ້ອງປັບປຸງຄວາມຮູ້ຂອງປະຊາຊົນ ຜ່ານການສຶກສາບຳລຸງສ້າງແມ່ນສຳຄັນທີ່ສຸດ. ຖັດຈາກນັ້ນແມ່ນ ຫຼຸດຜ່ອນຄວາມທຸກຍາກແບບຍືນຍົງ.

ທ່ານປະທານປະເທດ ຮຽກຮ້ອງໃຫ້ແຂວງອຽນບ໊າຍ ມີຄວາມເອົາໃຈໃສ່ເຖິງການປະຕິບັດບັນດານະໂຍບາຍໃຫ້ແກ່ປະຊາຊົນ, ພັດທະນາແຫຼ່ງກຳລັງມະນຸດທີ່ສະໜິດຕິດພັນກັບການຮັກສາວັດທະນະທຳທີ່ເປັນມູນເຊື້ອຂອງບັນດາເຜົ່າໃນບໍລິເວນແຂວງ.