ທ່ານປະທານປະເທດຫວຽດນາມ ເຈິ່ນດ້າຍກວາງ ກ່າວຄໍາເຫັນທີ່ການເຮັດວຽກ

ກ່າວຄໍາເຫັນທີ່ການເຮັດວຽກ, ທ່ານປະທານປະເທດຫວຽດນາມ ເຈິ່ນດ້າຍກວາງ ສະເໜີວ່າ ໃນໄລຍະຈະມາເຖິງ, ສະຫະພັນທະນາຍຄວາມ ຫວຽດນາມ ຄວນສຸມໃສ່ປະຕິບັດ ຍຸດທະສາດພັດທະນາອາຊີບທະນາຍຄວາມຮອດປີ 2020 ໃຫ້ມີປະສິດທິຜົນ, ແຜນຮ່າງພັດທະນາຖັນແຖວທະນາຍຄວາມຮັບໃຊ້ການເຊື່ອມໂຍງເຂົ້າກັບເສດຖະກິດສາກົນ ໄລຍະ  2010 – 2020. ພ້ອມທັງ, ຜັນຂະຫຍາຍການສຶກສາຄົ້ນຄວ້າ “ກໍ່ສ້າງກົນໄກພັດທະນາຖັນແຖວທະນາຍຄວາມ, ຍົກສູງກໍາລັງຄວາມສາມາດ, ປະສິດທິຜົນໃນການເຄື່ອນໄຫວຂອງທະນາຍຄວາມ” ຕາມການມອບໝາຍໜ້າທີ່ຂອງຄະນະຊີ້ນໍາ ກ່ຽວກັບການປະຕິຮູບຍຸຕິກໍາສູນກາງ. ພ້ອມກັນນັ້ນ ຄວນພັດທະນາຖັນແຖວທະນາຍຄວາມໃຫ້ຄົບຖ້ວນດ້ານປະລິມານ, ຮັບປະກັນດ້ານຄຸນນະພາບ, ມີຄຸນນະທາດດ້ານການເມືອງໜັກແໜ້ນ, ຈັນຍາບັນອາຊີບໂປ່ງໃສ, ຕອບສະໜອງໄດ້ຕາມຄວາມຮຽກຮ້ອງຂອງການປະຕິຮູບຍຸຕິທໍາ ແລະ ຄວາມຕ້ອງການຂອງຜູ້ໃຊ້ບໍລິການດ້ານນິຕິກໍາຂອງສັງຄົມ.