ປີ 2018, ຫວຽດນາມ ແລະ ຍີ່ປຸ່ນ ສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ. ການຢ້ຽມຢາມທາງລັດຖະກິດເຖິງ ຍີ່ປຸ່ນ ຂອງທ່ານປະທານປະເທດ ຫວຽດນາມ ເຈີ່ນດ້າຍກວາງ ແລະ ພັນລະຍາ ໄດ້ຢືນຢັນວ່າ: ຫວຽດນາມ ຢຶດໝັ້ນແນວທາງການພົວພັນຕ່າງປະເທດເອກະລາດ, ເປັນເຈົ້າຕົນເອງ, ຫັນການພົວພັນສາກົນເປັນຫລາຍຮູບຫລາຍແບບ ແລະ ຫລາຍຝ່າຍຫລາຍແບບ; ເພີ່ມທະວີການພົວພັນໃກ້ຊິດສະໜິດສະໜົມ ແລະ ມີຄວາມໄວ້ເນື້ອເຊື່ອໃຈດ້ານການເມືອງລະຫວ່າງການນຳຂັ້ນສູງ 2 ປະເທດ, ປະກອບສ່ວນຮັດແໜ້ນການພົວພັນລະຫວ່າງ ຫວຽດນາມ ແລະ  ຍີ່ປຸ່ນ - ຄູ່ຮ່ວມມືຍຸດທະສາດຢ່າງເລິກເຊິ່ງກ້ວາງຂວາງ ເພື່ອສັນຕິພາບ ແລະ ວັດທະນາຖາວອນຢູ່ ອາຊີ ກ່ວາອີກ. ການພົວພັນລະຫວ່າງ ຫວຽດນາມ ແລະ  ຍີ່ປຸ່ນ ພວມຢູ່ໃນໄລຍະດີທີ່ສຸດໃນປະຫວັດສາດ, ມີຄວາມໄວ້ເນື້ອເຊື່ອໃຈສູງ. ການນຳຂັ້ນສູງ ຫວຽດນາມ ແລະ ຍີ່ປຸ່ນ ຮັກສາບັນດາການຢ້ຽມຢາມ ແລະ ການພົບປະຢູ່ບັນດາເວທີປາໄສສາກົນ ແລະ ພາກພື້ນເປັນປະຈຳ; ຜັນຂະຫຍາຍບັນດາກົນໄກຮ່ວມມືສຳຄັນ; ຮ່ວມມືຢ່າງແໜ້ນແຟ້ນ ແລະ ມີປະສິດທິຜົນຢູ່ບັນດາເວທີປາໄສຫລາຍຝ່າຍຄື: ສະຫະປະຊາຊາດ, ອາຊຽນ, APEC, ASEM…ຍີ່ປຸ່ນ ແມ່ນຄູ່ຮ່ວມມືເສດຖະກິດສຳຄັນແຖວໜ້າຂອງ ຫວຽດນາມ.