ຕອນເຊົ້າວັນທີ 19 ມັງກອນ, ທ່ານປະທານປະເທດ ເຈືອງເຕີນຊາງ ໄດ້ໄປຢ້ຽມຢາມ ແລະ ອວຍພອນປີໃໝ່ພະນັກງານ, ນັກຮົບ ກົມເຕັກນິກວິຊາການ I ສັງກັດ ກົມໃຫຍ່ປ້ອງກັນຄວາມສະຫງົບ I, ກະຊວງຕຳຫຼວດ. ທ່ານປະທານປະເທດ ເຈືອງເຕີນຊາງ ໄດ້ເອົາໃຈໃສ່ວ່າ ໃນຊຸມປິມໍ່ໆມານີ້, ສະພາບສະຖຽນລະພາບດ້ານການເມືອງໂລກ ແລະ ພາກພື້ນມີການຜັນແຜ່ຢ່າງສັບສົນ. ສະນັ້ນ, ພະນັກງານ, ນັກຮົບກົມວິຊາການ I ຄວນມີຄວາມຮັບຮູ້ຢ່າງເລິກເຊິ່ງກຽວກັບສະພາບການ, ໜ້າທີ່ ແລະ ເປົ້າໝາຍຕໍ່ສູ້ຂອງວຽກງານປ້ອງກັນຄວາມສະຫງົບໃນໄລຍະປະຈຸບັນ. ພິເສດ, ອົງຄະນະພັກ, ການນຳກົມ ແລະ ພະນັກງານນັກຮົບແຕ່ລະຄົນຕ້ອງຊາບຊືມແຜນນະໂຍບາຍ, ແນວທາງຂອງພັກ, ລັດ ແລະ ກະຊວງຕຳຫຼວດຢ່າງເຂັ້ມງວດ, ສຸມໃສ່ຊີ້ນຳການປ່ຽນໃໝ່ລະບົບອຸປະກອນເຕັກນິກທີ່ທັນສະໄໝ, ເອົາໃຈໃສ່ວຽກງານກໍ່ສ້າງພັກ, ບຳລຸງສ້າງຖັນແຖວພະນັກງານໃຫ້ມີຄຸນນະທາດດ້ານການເມືອງຢ່າງໝັ້ນຄົງ, ມີລະດັບຄວາມຮູ້ດ້ານວິທະຍາສາດເຕັກນິກ, ຈິດໃຈສາມັກຄີ ແລະ ພ້ອມກັນສູ້ຮົບເພື່ອປະຕິບັດສຳເລັດໜ້າທີ່ໃນໄລຍະໃໝ່ຂອງປະຕິວັດ.
ເນື່ອງໃນໂອກາດກ້າວເຂົ້າສູ່ໃນປີ 2012 ແລະ ກະກຽມຕ້ອນຮັບບຸນປີໃໝ່ປະຈຳຊາດ ປີມະໂຣງ, ຕາງໜ້າໃຫ້ພັກ ແລະ ລັດ, ທ່ານປະທານປະເທດໄດ້ອວຍພອນພະນັກງານ, ນັກຮົບກົມວິຊາການມີສຸຂະພາບເຂັ້ມແຂງ, ສືບຕໍ່ຮັບໄຊຊະນະອັນໃຫຍ່ຫຼວງກວ່າອີກ, ປະກອບສ່ວນພ້ອມກັບກຳລັງຕຳຫຼວດປະຊາຊົນປົກປັກຮັກສາສະຖຽນລະພາບແຫ່ງຊາດ ແລະ ຄວາມເປັນລະບຽບຮຽບຮ້ອຍທາງສັງຄົມ, ຮັບໃຊ້ໃຫ້ແກ່ວິກິດຈະການປ່ຽນແປງໃໝ່ຂອງປະເທດຊາດ.