ທ່ານ​ປະທານ​ປະ​ເທດ​ຫວຽດນາມ ​ເຈືອງ​ເຕີນ​ຊາງ photo:internet

(vovworld)- ​ເນື່ອງ​ໃນ​ໂອກາດ​ບຸນ​ວັນ​ເພັງ​ເດືອນ 8 ປີ 2014, ທ່ານ​ປະທານ​ປະ​ເທດ​ຫວຽດນາມ ​ເຈືອງ​ເຕີນ​ຊາງ ​ໄດ້​ສົ່ງ​ຈົດໝາຍ​ເຖິງ​ບັນດາ​ພວກ​ຫລານ​​ເຍົາວະ​ຊົນ,  ອະນຸຊົນ ​ໃນ​ທົ່ວ​ປະ​ເທດ. ​ໃນ​ຈົດໝາຍ, ທ່ານ​ປະທານ​ປະ​ເທດ ​ເຈືອງ​ເຕີນ​ຊາງ ​ເນັ້ນ​ຫນັກ​ວ່າ: ພັກ, ລັດ, ຄອບຄົວ ​ແລະ ສັງຄົມ ຍາມ​ໃດ​ກໍ​​ເອົາ​ໃຈ​​ໃສ່, ​ເບິ່ງ​ແຍງ​ພວກ​ຫລານ.ພ້ອມ​ກັບ​ການ​ພັດທະນາ​ຂອງ​ປະ​ເທດ​ຊາດ, ພວກ​ຫລານ​ມີ​ເງື່ອນ​ໄຂ​ຫລາຍ​ຢ່າງ​ເພື່ອ​ຮຳ່ຮຽນ, ລະ​ຫລິ້ນ ​ແຕ່​ຄຽງ​ຄູ່​ກັນ​ນັ້ນ ຍັງ​ມີ​ພວກ​ຫລານ​ຫລາຍ​ຄົນ​ຍັງ​ປະສົບ​ກັບ​ຄວາມ​ຫຍຸ້ງຍາກ ຈຳ​ເປັນ​ຕ້ອງ​ໄດ້​ຮັບ​ການ​ຊ່ວຍ​ເຫລືອ, ​ເອົາ​ໃຈ​ໃສ່. ທ່ານ​ປະທານ​ປະ​ເທດ ຫວັງ​ວ່າ ພວກ​ຫລານ​ສືບ​ຕໍ່ສູ້​ຊົນ​, ຝືກຝົນ​ຫລໍ່​ຫລອມ ​​ຮ່ຳຮຽນ​ດຸ​ໝັ່ນ ​ເພື່ອ​ກາຍ​ເປັນ​ພົນລະ​ເມືອງ​ມີ​ປະ​ໂຫຍ​ດຕໍ່​ສັງຄົມ, ຕໍ່​ຄອບຄົວ, ສືບ​ທອດ​ມູນ​ເຊື້ອ​ຂອງ​ລຸ້ນພໍ່​ລຸ້ນອ້າຍ, ສ້າງສາ ​ແລະ ປົ​ກປັກ​ຮັກສາ​ປະ​ເທດ​ຊາດ​ຫວຽດນາມ​ໃຫ້​ໝັ້ນຄົງ.