ທ່ານປະທານປະເທດຫວຽດນາມ ເຈີ່ນດ້າຍກວາງ ຕ້ອນຮັບທ່ານນາງ  Louise Mushi Ki Wabo ລັດຖະມົນຕີການຕ່າງປະເທດ ຣາວັນດາ

ທີ່ການຕ້ອນຮັບ, ທ່ານປະທານປະເທດ ເຈີ່ນດ້າຍກວາງ ໃຫ້ຮູ້ວ່າ ຫວຽດນາມຢັ້ງຢືນຫວຽດນາມຖືເປັນສໍາຄັນ ແລະ ມີຄວາມປາດຖະໜາຢາກຊຸກຍູ້ການພົວພັນມິດຕະພາບ, ການຮ່ວມມືພ້ອມກັນພັດທະນາກັບບັນດາປະເທດເພື່ອນມິດທີ່ເປັນມູນເຊື້ອຢູ່ອາຟິຣິກາ, ໃນນັ້ນປະເທດ ມີຣາວັນດາ ແລະ ກີເນ. ເພື່ອຊຸກຍູ້ການພົວພັນຮ່ວມມືລະຫວ່າງຫວຽດນາມ ກັບ ຣາວັນດາ ແລະ ກີເນ ກວ່າອີກ, ທ່ານປະທານປະເທດຫວຽດນາມ ສະເໜີວ່າ ຄວນເພີ່ມທະວີການພົບປະແລກປ່ຽນຄະນະຜູ້ແທນຂັ້ນຕ່າງໆ, ພິເສດແມ່ນບັນດາຄະນະຜູ້ແທນຂັ້ນສູງ ເປັນຕົ້ນແມ່ນ ລັດ, ສະພາແຫ່ງຊາດ, ບັນດາກະຊວງ, ຂະແໜງການ, ທ້ອງຖິ່ນ, ວິສາຫະກິດ ແລະອື່ນໆ. ພ້ອມທັງສືບຕໍ່ເພີ່ມທະວີການແລກປ່ຽນ, ສົມທົບກັນຢູ່ບັນດາເວທີປາໄສຫຼາຍຝ່າຍ, ພິເສດແມ່ນໃນຂອບເຂດສະຫະປະຊາຊາດ.
ກ່ຽວກັບດ້ານການຄ້າ, ທ່ານປະທານປະເທດ ເຈີ່ນດ້າຍກວາງ ສະເໜີໃຫ້ບັນດາຝ່າຍ ຈົ່່ງກໍານົດມາດຕະການຕ່າງໆໃຫ້ລະອຽດ ເພື່ອແນໃສ່ຊຸກຍູ້ການຮ່ວມມືດ້ານການຄ້າ ແລະ ສືບຕໍ່ສ້າງກອບນິຕິກໍາໃຫ້ສໍາເລັດ ສ້າງເງື່ອນໄຂເປີດກວ້າງການຮ່ວມມືຫຼາຍດ້ານລະຫວ່າງ ຫວຽດນາມ - ຣາວັນດາ ແລະ ກີເນ ໃຫ້ດີກວ່າເກົ່າ.
ແລະກໍໃນວັນດຽວກັນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມິນ ໄດ້ມີການເຈລະຈາກັບ ທ່ານນາງ  Louise Mushi Ki Wabo ລັດຖະມົນຕີການຕ່າງປະເທດ, ຮ່ວມມື ແລະ ປະຊາຄົມ ອາຟິຼກາຕາເວັນອອກ ຣາວັນດາ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີງມິນ ຢັ້ງຢືນວ່າ ຫວຽດນາມຖືເປັນສໍາຄັນ ເລື່ອງສະໜັບສະໜູນ ແລະ ພັດທະນາການພົວພັນມິດຕະພາບກັບ ຣາວັນດາ, ເຊິ່ງເປັນຄູ່ຮ່ວມມືທີ່ມີຄວາມສາມາດບົ່ມຊ້ອນຂອງຫວຽດນາມຢູ່ພາກພື້ນ ອາຟິຼກາຕາເວັນອອກ.

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມິນ ແລະ ທ່ານນາງ  Louise Mushi Ki Wabo ລັດຖະມົນຕີການຕ່າງປະເທດ, ຮ່ວມມື ແລະ ປະຊາຄົມ ອາຟິຼກາຕາເວັນອອກ ຣາວັນດາ

ທີ່ການເຈລະຈາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິງມິນ ແລະ ທ່ານນາງ ລັດຖະມົນຕີການຕ່າງປະເທດ  Louise Mushi Ki Wabo  ໄດ້ເຫັນດີກັບບັນດາມາດຕະການລະອຽດ ທີ່ຄວນຜັນຂະຫຍາຍ ເພື່ອຊຸກຍູ້ການພົວພັນສອງຝ່າຍໃຫ້ເຂົ້າສູ່ລວງເລິກ ແລະ ມີປະສິດທິຜົນກວ່າ. ທ່ານນາງ  Louise Mushi Ki Wabo ລັດຖະມົນຕີການຕ່າງປະເທດ ຣາວັນດາ ປາດຖະໜາວ່າ ຫວຽດນາມ ຈະໜູນຊ່ວຍ ຣາວັນດາໃນບັນດາຂົງເຂດຄື ກະສິກໍາ; ການຂຸດຄົ້ນແຮ່ທາດ; ໂທລະຄົມມະນາຄົມ; ແລະຍິນດີຕ້ອນຮັບບັນດາວິສາຫະກິດຫວຽດນາມໄປ ສໍາຫຼວດຕະຫຼາດ ຣາວັນດາ ເພື່ອສ້າງຕັ້ງການພົວພັນຄ້າ-ຂາຍ, ລົງທຶນ ແລະ ອື່ນໆ. ສອງຝ່າຍເຫັນດີສືບຕໍ່ເພີ່ມທະວີການພົບປະແລກປ່ຽນຄະນະຜູ້ແທນຂັ້ນຕ່າງໆ. ພ້ອມທັງໃຫ້ຄໍາໝັ້ນສັນຍາວ່າ ຈະສືບຕໍ່ເພີ່ມທະວີການແລກປ່ຽນ, ສົມທົບກັນຢູ່ບັນດາເວທີປາໄສຫຼາຍຝ່າຍຄື ສະຫະປະຊາຊາດ, ອົງການໃຊ້ພາສາຝລັ່ງ.