ທ່ານປະທານປະເທດເຂົ້າຮ່ວມພິທີຊັກທຸງເທິງຈອມພູຟານຊີປັງ
ທ່ານປະທານປະເທດເຂົ້າຮ່ວມພິທີຊັກທຸງເທິງຈອມພູຟານຊີປັງ
(vovworld) - ຕອນບ່າຍວັນທີ 13/01 ເນື່ອງໃນໂອກາດຢ້ຽມຢາມ ແລະ ອວຍພອນບຸນເຕັດຢູ່ບາງທ້ອງຖິ່ນຂອງແຂວງ ລາວກາຍ, ທ່ານປະທານປະເທດ ຫວຽດນາມ ເຈີ່ນດ້າຍກວາງ ພ້ອມດ້ວຍຄະນະປະຕິບັດງານໄດ້ເຂົ້າຮ່ວມພິທີຊັກທຸງເທິງຈອມພູ ຟານຊີປັງ. ພ້ອມກັບພິທີຊັກທຸງ, ທ່ານປະທານປະເທດ ເຈີ່ນດ້າຍກວາງ ຍັງເປີດສະຫຼອງເສົ້າທຸງຢ່າງເປັນທາງການຢູ່ຈອມພູ ຟານຊີປັງ. ເສົ້າທຸງມີລວງສູງ 25 ແມັດ, ໄດ້ຮັບການກໍ່ສ້າງຢູ່ລະດັບຄວາມສູງເຖິງ 3.143 ແມັດ ທຽບກັບລະດັບນ້ຳທະເລ.
ແລະໃນຕອນບ່າຍວັນດຽວກັນ, ທ່ານປະທານປະເທດ ເຈີ່ນດ້າຍກວາງ ແລະ ຄະນະປະຕິບັດງານໄດ້ລົງຢ້ຽມຢາມ ແລະ ອວຍພອນບຸນເຕັດ, ມອບຂອງຂວັນໃຫ້ປ້ອມປ້ອງກັນຊາຍແດນ ດ່ານຊາຍແດນສາກົນ ລາວກາຍ. ນະທີ່ນີ້ ທ່ານປະທານປະເທດ ເຈີ່ນດ້າຍກວາງ ສະເໜີໝູ່ຄະນະຜູ້ບັນຊາການ, ພະນັກງານ, ນັກຮົບຕ້ອງເອົາໃຈໃສ່ເປັນພິເສດ ກ່ອນອື່ນໝົດແມ່ນໜ້າທີ່ສ້າງກົມກອງໃຫ້ປອດໃສ, ເຂັ້ມແຂງຢ່າງແທ້ຈິງ ມີເງື່ອນໄຂຢ່າງພຽງພໍ ເພື່ອປະຕິບັດສຳເລັດບັນດາໜ້າທີ່ ທີ່ໄດ້ຮັບມອບໝາຍຈາກຂັ້ນເທິງໃຫ້ເປັນຢ່າງດີ, ປະກອບສ່ວນພ້ອມກັບອົງຄະນະພັກ, ອຳນາດການປົກຄອງ ແລະ ປະຊາຊົນບັນດາເຜົ່າພາຍໃນແຂວງ ປະຕິບັດບັນດາຈຸດໝາຍ, ໜ້າທີ່ ເຊິ່ງມະຕິກອງປະຊຸມໃຫຍ່ອົງຄະນະພັກໄດ້ວາງອອກເປັນຢ່າງດີ. ນອກນັ້ນ ປ້ອມປ້ອງກັນຊາຍແດນກໍ່ຕ້ອງເພີ່ມທະວີການສົມທົບກັບບັນດາກຳລັງໃນບໍລິເວນ, ກັບອຳນາດການປົກຄອງທ້ອງຖິ່ນ ເພື່ອຄຸ້ມຄອງໃຫ້ດີ, ພົບເຫັນ, ແກ້ໄຂບັນດາບັນຫາທີ່ກ່ຽວຂ້ອງຢ່າງທັນການ ແລະ ວ່ອງໄວ, ບັນລຸປະສິດທິຜົນສູງສຸດ, ປະກອບສ່ວນຮັກສາສະຖຽນລະພາບ, ຄວາມເປັນລະບຽບຮຽບຮ້ອຍໃນບໍລິເວນຊາຍແດນຢ່າງໝັ້ນຄົງ.