(vovworld)- ຕອນ​ເຊົ້າ​ ວັນ​ທີ 25/11, ຕາມ​ເວ​ລາ​ທ້ອງ​ຖິ່ນ ທ່ານ​ ປະ​ທານ​ປະ​ເທດ​ຫວຽດ​ນາມ ເຈີ່ນ​ດ້າຍກ​ວາງ ແລະ ພັນ​ລະ​ຍາ ໄດ້​ໄປ​ຮອດ​ນະ​ຄອນ Antananarivo ຂອງ Madagascar, ເລີ່ມ​ຕົ້ນ​ການ​ຢ້ຽມ​ຢາມ ​​ແລະ ເຂົ້າ​ຮ່ວມກ​ອງ​ປະ​ຊຸມສຸດຍອດ​ບັນ​ດາ​ປະ​ເທດ​ນຳ​ໃຊ້ພາ​ສາ​ຝ​ຣັ່ງ​ ຄັ້ງ​ທີ 16 ໃນ​ລະ​ຫວ່າງ ວັນ​ທີ 26-27/11/2016 ຕາມ​ຄຳ​ເຊີນ​ຂອງ ທ່ານ ​ປະ​ທາ​ນາ​ທິ​ບໍ​ດີ ສາ​ທາ​ລະ​ນະ​ລັດ Madagascar Hery Rajaonarimampiannina ແລະ ພັນ​ລະ​ຍາ. ​ອອກ​ຕ້ອນ​ຮັບ ທ່ານ ປະ​ທານ​ປະ​ເທດ ເຈີ່ນ​ດ້າຍກວາງ ແລະ ພັນ​ລະ​ຍາ ຢູ່​ສະ​ໜາມ​ບິນ​ສາ​ກົນ Ivato ມີ ທ່ານ ​ນາ​ຍົກ​ລັດ​ຖະ​ມົນ​ຕີ Madagascar Olivier Mahafaly Solonandrasana, ​ທ່ານ ຫົວ​ໜ​້າ​ກົງ​ສູນ​ກິ​ຕິ​ມະ​ສັກ​ຫວຽດ​ນາມ ປະ​ຈຳ Madagascar Eric Nazaraly ແລະ ພັນ​ລະ​ຍາ, ຜູ້​ຕາງ​ໜ້າ​ຄະ​ນະ​ຈັດ​ຕັ້ງ​ກອງ​ປະ​ຊຸມສຸດຍອດ​ບັນ​ດາ​ປະ​ເທດ​ນຳ​ໃຊ້​ພາ​ສາ​ຝ​ຣັ່ງ ຄັ້ງ​ທີ 16, ​ທ່ານ ​ນາງ ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ ຮ່າ​ກີມ​ຫງອກ, ທ່ານ ເອກອ​ັກ​ຄະ​ລັດ​ຖະ​ທູດ​ຫວຽ​ດ​ນາມ ປະ​ຈຳ ອົງ​ການ​ສຶກ​ສາ, ວິ​ທະ​ຍາ​ສາດ ແລະ ວັດ​ທະ​ນະ​ທຳ​ຂອງ​ສະ​ຫະ​ປະ​ຊາ​ຊາດ (UNESCO), ທ່ານ ເລ​ຮົ່ງ​ເຟີ໋ນ ຜູ້​ຕາງ​ໜ້າ​ໃນ​ນາມ​ສ່ວນ​ຕົວ ​ຂອງ​ທ່ານ ​ປະ​ທານ​ປະ​ເທດຫວຽດ​ນາມ ປະ​ຈຳ​ອົງ​ການ​ພາ​ສາ​  ຝ​ຣັ່ງສາ​ກົນ (OIF), ທ່ານ ເອກ​ອັກ​ຄະ​ລັດ​ຖະ​ທູດ​ຫວຽດ​ນາມ ປະ​ຈຳ​ໂມ​ຊຳ​ບິກ ທັງ​ເປັນ​ຜູ້​ຮັບ​ຜິດ​ຊອບ Madagascar ຫງວຽນ​ວັນ​ຈຸງ.

        ດ້ວຍ​ການ​ເຂົ້າ​ຮ່ວມ ໃນ​ປະ​ຊາຄົມບັນ​ດາ​ປະ​ເທດນຳ​ໃຊ້​ພາ​ສາຝ​ຣັ່ງ ຫວຽດ​ນາມ ມີ​ເງື່ອນ​ໄຂ​ເປີດກວ້າງ ກັບຫຼາຍ​ປະ​ເທດ​ອາ​ຟາ​ລິກ​ກາ. ພ້ອ​ມ​ກັນ​ນັ້​ນ, ການ​ເຂົ້າ​ຮ່ວມ​ປະ​ຊາ​ຄົມ​​ບັນ​ດາ​ປະ​ເທດນຳໃຊ້​ພາ​ສາ​ຝ​ຣັ່ງ ແມ່ນ​ເພື່ອ​ແນ​ໃສ່​ຫັນ​ແນວ​ທາງ​ການ​ຕ່າງ​ປະ​ເທດ​ເປັນ​​ຫຼາຍ​ຮູບຫຼາຍ​ແບບ ແລະ ຫຼາຍ​ຝ່າຍ​ເປັນລະ​ອຽດ. ຜ່ານ​ນັ້ນ ກໍ່​ເປັນ​ການປະ​ກອບ​ສ່ວນ​ໃຫ້​ສັນ​ຕິ​ພາບ, ການພັດ​ທະ​ນາ ແລະ ຄວາມຈະ​ເລີນ​ວັດ​ທະ​ນາ​ໃນ​ໂລກ.