ທ່ານປະທານປະເທດເຈືອງເຕີນຊາງມີບົດປາໄສສຳຄັນທີ່ກອງປະຊຸມສຸດຍອດສປຊ
ທ່ານປະທານປະເທດເຈືອງເຕີນຊາງກ່າວປາໄສ
ທີ່ກອງປະຊຸມສປຊ
ພາບ:sggp.vn
|
(vovworld)- ກອງປະຊຸມສຸດຍອດ ສປຊ ຮັບຮອງເອົາໂຄງການດຳເນີນງານປີ 2030 ກ່ຽວກັບການພັດທະນາແບບຍືນຍົງ ໄດ້ໄຂຂຶ້ນໃນວັນທີ 25/9 ຢູ່ ນິວຢອກ ສະຫະລັດ ອາເມລິກາ ໂດຍມີການເຂົ້າຮ່ວມຂອງ ບັນດາປະມຸກລັດ, ນາຍົກລັດຖະມົນຕີດ ບັນລັດຖະມົນຕີຂອງ193 ປະເທດສະມາຊິກ ສປຊ. ໂຄງການດຳເນີນງານພັດທະນາແບບຍືນຍົງທົ່ວໂລກປີ 2030 ລວມມີ 17 ຄາດໝາຍທີ່ສຳຄັນ. ໃນຮອບເວລາ 15 ປີຈະມາເຖິງ, ບັນດາລັດຖະບານ ແລະ ອົງການຈັດຕັ້ງ ຈະເພີ່ມຄວາມມານະພະຍາຍາມພັດທະນາຂຶ້ນທົບສອງເທົ່າເພື່ອສ້າງອະນາຄົດອັນດີງາມກວ່າໃຫ້ປະຊາຊົນທຸກຄົນໃນທົ່ວໂລກ ເພື່ອໃຫ້ປະເທດທັງໝົດໄດ້ດຳລົງຊີວິດໃນສະພາບແວດລ້ອມແຫ່ງການຮ່ວມມື, ສັນຕິພາບ ແລະ ວັດທະນາຖາວອນ.
ທ່ານປະທານປະເທດເຈືອງເຕີນຊາງ ຫົວຫນ້າຄະນະຜູ້ແທນຂັ້ນສູງ ຫວຽດນາມເຂົ້າຮ່ວມກອງປະຊຸມ ມີບົດກ່າວປາໄສສຳຄັນ ດ້ວຍຫົວຂໍ້ “ຮັບປະກັນສະພາບແວດລ້ອມສັນຕິພາບ, ຄວາມໝັ້ນຄົງ ບົນພື້ນຖານເຄົາລົບກົດໝາຍສາກົນ ແມ່ນເງື່ອນໄຂຕັດສິນເບື້ອງຕົ້ນເພື່ອປະຕິບັດສຳເລັດບັນດາເປົ້າໝາຍພັດທະນາແບບຍືນຍົງ. ທ່ານປະທານປະເທດ ຢືນຢັນວ່າ: ຫວຽດນາມ ມີຄຳໝັ້ນສັນຍາສຸມທຸກແຫລ່ງກຳລັງ, ລະດົມກະຊວງ, ຂະແຫນງການ ແລະ ທ້ອງຖິ່ນ, ອົງການຈັດຕັ້ງ, ປະຊາຄົມ ແລະ ປະຊາຊົນທັງໝົດເພື່ອປະຕິບັດສຳເລັດໂຄງການດຳເນີນງານ 2030 ແລະ ບັນດາເປົ້າໝາຍພັດທະນາແບບຍືນຍົງ.
“ໂດຍແມ່ນປະເທດ ບັນລຸໄດ້ຫລາຍເປົ້າໝາຍພັດທະນາສະຫັດສະຫວັດ ແລະ ລື່ນກາຍການກຳນົດເວລາ, ຫວຽດນາມ ຖືວ່າ ເພື່ອປະຕິບັດສຳເລັດໂຄງການດຳເນີນງານ 2030 ກ່ຽວກັບການພັດທະນາ, ກ່ອນອື່ນໝົດ ແຕ່ລະປະເທດ ຄວນມີຄວາມຕັດສິນໃຈດ້ານການເມືອງສູງ, ເສີມຂະຫຍາຍກຳລັງແຮງພາຍໃນ ແລະ ຄວາມສາມາດບົ່ມຊ້ອນຂອງປະເທດຊາດຢ່າງສຸດຂີດ, ນຳທັດສະນະຍືນຍົງກາຍເປັນການກຳນົດທິດເປັນປະຈຳ, ຍາວນານ ແລະ ສົມທົບກັບບັນດາເປົ້າໝາຍພັດທະນາແບບຍືນຍົງເຂົ້າທຸກຍຸດທະສາດ ແລະ ໂຄງການດຳເນີນງານແຫ່ງຊາດ, ໃນນັ້ນ ຍາມໃດກໍວາງມະນຸດເປັນໃຈກາງ, ສອດຄອ່ງກັບເງື່ອນໄຂ ແລະ ສະພາບຕົວຈິງຂອງແຕ່ລະປະເທດ.”