ທ່ານປະທານສະພາແຫ່ງຊາດ ເວືອງດິ່ງເຫວະ ກ່າວຄຳເຫັນທີ່ກອງປະຊຸມ (ພາບ: Lê Tuyết/ VOV)

ຕອນບ່າຍວັນທີ 21 ພະຈິກ, ທີ່ນະຄອນຫຼວງ ພະນົມເປັນ, ແຫ່ງລາຊະອານາຈັກ ກຳປູເຈຍ, ໃນຂອບເຂດກອງປະຊຸມສະມັດຊາໃຫຍ່ລັດຖະສະພາສະມາຄົມປະຊາຊາດ ອາຊີຕາເວັນອອກສ່ຽງໃຕ້ ຄັ້ງທີ 43 (AIPA – 43), ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ໄດ້ເຂົ້າຮ່ວມ ແລະ ມີບົດກ່າວປາໄສສຳຄັນທີ່ກອງປະຊຸມຄົບຄະນະຄັ້ງທີ 1.

        ທ່ານປະທານສະພາແຫ່ງຊາດ ເວືອງດິ່ງເຫວະ ຢັ້ງຢືນວ່າ: AIPA ແມ່ນຮູບແບບດີເດັ່ນໃຫ້ແກ່ການຮ່ວມມືລັດຖະສະພາພາກພື້ນ, ປະກອບສ່ວນຊຸກຍູ້ການຮ່ວມມືລະຫວ່າງບັນດາອົງການຕາງໜ້າໃຫ້ເຈດຈຳນົງ, ຄວາມມຸ່ງມາດປາດຖະໜາຂອງປະຊາຊົນບັນດາປະເທດ ອາຊຽນ. ສະພາແຫ່ງຊາດ ຫວຽດນາມ ຈະມານະພະຍາຍາມປະຕິບັດບັນດາຄຳໝັ້ນສັນຍາກໍ່ຄືບັນດາມະຕິເຊິ່ງ ກອງປະຊຸມສະມັດຊາໃຫຍ່ AIPA -43 ຈະຮັບຮອງເອົາ. ທ່ານປະທານສະພາແຫ່ງຊາດ ເວືອງດິ່ງເຫວະ ໄດ້ຍົກອອກບັນດາຂໍ້ສະເໜີແນະ, ໃນນັ້ນ ເນັ້ນໜັກຄວາມສຳຄັນຂອງການປັບປຸງຄວາມສາມັກຄີ ແລະ ບົດບາດໃຈກາງຂອງ ອາຊຽນ ໃນການຮັກສາສັນຕິພາບ, ຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ ແມ່ນເງື່ອນໄຂຕັດສິນຊີ້ຂາດ.