(VOVWORLD) - ທີ່ການພົບປະເຈລະຈາ, 2 ຝ່າຍໄດ້ເຫັນດີຮັກສາການແລກປ່ຽນ, ພົບປະຂັ້ນສູງ ແລະ ທຸກຂັ້ນ, ຍູ້ແຮງການພົວພັນແລກປ່ຽນ, ການຮ່ວມມືໃນຊ່ອງທາງພັກ, ລັດ, ສະພາແຫ່ງຊາດ 2 ປະເທດ.
 (ທ່ານ ຈາວເລືອຈີ, ກຳມະການຜູ້ປະຈຳການກົມການເມືອງສູນກາງພັກກອມມູນິດ ຈີນ, ປະທານຄະນະປະຈຳສະພາປະຊາຊົນແຫ່ງຊາດ ຈີນ ແລະ ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ) |
ໃນຂອບເຂດການຢ້ຽມຢາມ ສປ.ຈີນ ຢ່າງເປັນທາງການ, ຕອນບ່າຍວັນທີ 08 ເມສາ, ຢູ່ຫໍສະພາປະຊາຊົນທີ່ນະຄອນຫຼວງ ປັກກິ່ງ, ຈີນ, ທ່ານ ຈາວເລືອຈີ, ກຳມະການຜູ້ປະຈຳການກົມການເມືອງສູນກາງພັກກອມມູນິດ ຈີນ, ປະທານຄະນະປະຈຳສະພາປະຊາຊົນແຫ່ງຊາດ ຈີນ, ໄດ້ເປັນປະທານພິທີຕ້ອນຮັບ ແລະ ດຳເນີນການພົບປະເຈລະຈາກັບທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ.
ທີ່ການພົບປະເຈລະຈາ, 2 ຝ່າຍໄດ້ເຫັນດີຮັກສາການແລກປ່ຽນ, ພົບປະຂັ້ນສູງ ແລະ ທຸກຂັ້ນ, ຍູ້ແຮງການພົວພັນແລກປ່ຽນ, ການຮ່ວມມືໃນຊ່ອງທາງພັກ, ລັດ, ສະພາແຫ່ງຊາດ 2 ປະເທດ. ທ່ານປະທານສະພາແຫ່ງຊາດ ເວືອງດິ່ງເຫວະ ສະເໜີໃຫ້ 2 ຝ່າຍຍູ້ແຮງການເຊື່ອມຕໍ່ຍຸດທະສາດພັດທະນາ, ຍົກສູງຄຸນນະພາບ, ປະສິດທິຜົນການຮ່ວມມືໃນຫຼາຍຂົງເຂດ; ສືບຕໍ່ເປີດກວ້າງການນຳເຂົ້າສິນຄ້າ, ຜະລິດຕະພັນກະເສດ, ສິນໃນນ້ຳຂອງ ຫວຽດນາມ; ຜັນຂະຫຍາຍການສ້າງທົດລອງດ່ານຊາຍແດນອັດສະລິຍະໃຫ້ບັນລຸປະສິດທິຜົນ; ຄົ້ນຄວ້າຮ່ວມມືກໍ່ສ້າງໂຄງການເສັ້ນທາງລົດໄຟບັນລຸມາດຕະຖານຈຳນວນໜຶ່ງຕອນ ຮ່າໂນ້ຍ - ລາວກາຍ, ຮ່າໂນ້ຍ - ກວາງນິງ, ຮ່າໂນ້ຍ - ລ້າງເຊີນ…
ກ່ຽວກັບບັນຫາທາງທະເລ, 2 ຝ່າຍເຫັນດີຄວບຄຸມຄວາມບໍ່ລົງລອຍກັນຢ່າງສົມເຫດສົມຜົນ, ຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ. ທ່ານປະທານສະພາແຫ່ງຊາດ ເວືອງດິງເຫວະ ສະເໜີໃຫ້ 2 ຝ່າຍຕັ້ງໜ້າຊຸກຍູ້ບັນດາກົນໄກເຈລະຈາທາງທະເລໃຫ້ບັນລຸບາດກ້າວຄືບໜ້າ, ຢ່າງແທດຈິງ, ລົງນາມໃນສັນຍາອາຊີບຫາປາໃໝ່ຢູ່ເຂດອ່າວພາກເໜືອໂດຍໄວ; ພ້ອມກັບບັນດາປະເທດ ອາຊຽນ ຊຸກຍູ້ການເຈລະຈາສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ຢ່າງແທດຈິງ, ມີປະສິດທິພາບ, ປະສິດທິຜົນ, ສອດຄ່ອງກັບກົດໝາຍສາກົນ, ໃນນັ້ນມີຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (UNCLOS) 1982.
ເນື່ອງໃນໂອກາດນີ້, 2 ຝ່າຍໄດ້ລົງນາມໃນຂໍ້ຕົກລົງຮ່ວມມືລະຫວ່າງສະພາແຫ່ງຊາດ 2 ປະເທດ. ຂໍ້ຕົກລົງລວມມີ 9 ມາດຕາ, ໃນນັ້ນ, 2 ຝ່າຍໄດ້ເຫັນດີສ້າງຕັ້ງກຳມາທິການຮ່ວມມືລະຫວ່າງສະພາແຫ່ງຊາດ ຫວຽດນາມ ແລະ ສະພາປະຊາຊົນແຫ່ງຊາດ ຈີນ.