ທ່ານປະທານາທິບໍດີ ອາເມລິກາ Donald Trump

ວັນທີ 20 ມິຖຸນາ, ທ່ານປະທານາທິບໍດີ ອາເມລິກາ Donald Trump ໄດ້ເຊັນລັດຖະດຳລັດຢຸດຕິນະໂຍບາຍອົບພະຍົບ “ປະນີປະນອມ”, ຕາມນັ້ນແລ້ວ, ເດັກນ້ອຍໃນບັນດາຄອບຄົວຊາວເຂົ້າເມືອງຜິດກົດໝາຍຈະບໍ່ຖືກແຍກອອກຈາກພໍ່ແມ່ຂອງຕົນ. ຕາມລັດຖະດຳລັດຂອງປະທານາທິບໍດີແລ້ວ, ສະມາຊິກໃນບັນດາຄອບຄົວທີ່ເຂົ້າເມືອງຜິດກົດໝາຍຈາກປະເທດ ເມັກຊີໂກ ຈະໄດ້ຢູ່ບ່ອນດຽວກັນເມື່ອເຂົາເຈົ້າຖືກກັກຂັງ, ແຕ່ເຖິງຢ່າງໃດກໍ່ຕາມ, ລັດຖະດຳລັດບໍ່ເວົ້າແຈ້ງເວລາໄດ້ຢູ່ນຳກັນແມ່ນດົນປານໃດ. ຂໍ້ຕົກລົງໃນວັນທີ 20 ມິຖຸນາ ຂອງທ່ານ Trump ໄດ້ຮັບຖືວ່າ ແມ່ນການກະທຳຕົກສະເງີ້ນັບແຕ່ເມື່ອທ່ານໄດ້ດຳລົງຕຳແໜ່ງໃນຕົ້ນປີ 2017 ຍ້ອນວ່າທ່ານບໍ່ເຄີຍປະນີປະນອມບໍ່ວ່ານະໂຍບາຍໃດທີ່ໄດ້ກໍ່ຄວາມຖົກຖຽງກັນ. ສະພາແຫ່ງຊາດ ອາເມລິກາ, ພາຍໃຕ້ການຄວບຄຸມຂອງຝ່າຍສາທາລະນະ, ກໍ່ພວມຄິດໄລ່ຊັ່ງຊາບັນດາມາດຕະການນິຕິບັນຍັດ ເພື່ອແກ້ໄຂບັນຫາຄົນເຂົ້າເມືອງ. ວັນທີ 21 ມິຖຸນາ, ສະພາຕ່ຳ ອາເມລິກາ ໄດ້ປ່ອນບັດສຳລັບຮ່າງກົດໝາຍ 2 ສະບັບ ເພື່ອແນໃສ່ຢຸດຕິການແຍກບັນດາຄອບຄົວທີ່ເຂົ້າເມືອງຜິດກົດໝາຍ ກໍ່ຄືແກ້ໄຂບັນດາບັນຫາອົບພະຍົບອື່ນ. ແຕ່ເຖິງຢ່າງໃດກໍ່ຕາມ, ຝ່າຍສາທາລະນະ ບໍ່ແນ່ໃຈວ່າບັນດາຮ່າງກົດໝາຍນີ້ຈະໄດ້ຮັບການສະໜັບສະໜູນທີ່ຈຳເປັນທີ່ໄດ້ຮັບຮອງເອົາຫຼືບໍ່?.