ທ່ານປະທານາທິບໍດີ ຝລັ່ງ Emmanuel Macron (ພາບ:  Reuters)

ກ່າວຄຳເຫັນໃນວັນທີ 9 ພຶດສະພາ ໃນວັນ ເອີີຣົບ ຊຶ່ງແມ່ນເຫດການໄຂກອງປະຊຸມສຸດຍອດກ່ຽວກັບອະນາຄົດຂອງ ເອີີຣົບ ຢູ່ ນະຄອນ Strasbourg ຂອງ ຝລັ່ງ, ທ່ານປະທານາທິບໍດີ ຝລັ່ງ Emmanuel Macron ສະເໜີໃຫ້ທຸກຄົນຈົ່ງປຶກສາຫາລືບັນດາບັນຫາໃຫຍ່ທັງໝົດ, ນັບທັງຊາຍແດນຂອງ ອີຢູ ຕະຫຼອດຮອດບັນດາລະບອບການໃໝ່, ບັນດາໂຄງການວັດທະນະທຳ, ການສຶກສາ ແລະ ການຕ້ານການປ່ຽນແປງຂອງດິນຟ້າອາກາດ. ທ່ານປະທານາທິບໍດີ Emmanuel Macron ຮຽກຮ້ອງໃຫ້ປະຊາຊົນເອີຣົບ ເອົາແຫຼ່ງບັນດານໃຈຈາກ ອາເມລິກາ ເພື່ອກຳນົດຄືນການພັດທະນາໃນອະນາຄົດ. ໂລກລະບາດໂຄວິດ - 19 ໄດ້ຊີ້ໃຫ້ເຫັນວ່າ ອີຢູ ຂາດເຄື່ອງມືເພື່ອຮັບມືກັບສະພາວະສຸກເສີນໃນທົ່ວທະວີບໄດ້ຢ່າງວ່ອງໄວ. ອີຢູ ຖືກຕຳໜິຕິຕຽນຢ່າງຮຸນແຮງ ເມື່ອຕົ້ນປີ 2021 ເພາະບັ້ນເຄື່ອນໄຫວສັກວັກຊິນຖືກປະຕິບັດຢ່າງຊັກຊ້າ ເມື່ອທຽບໃສ່ ອາເມລິກາ ແລະ ອັງກິດ.