ທ່ານປະທານາທິບໍດີ ອາເມລິກາ Donald Trump (ພາບ:AP News)

ວັນທີ 6 ພຶດສະພາ, ທ່ານປະທານາທິບໍດີ ອາເມລິກາ Donald Trump ຕໍາໜິຕິຕຽນການປະພຶດຂອງ ຈີນ ໃນການເຄື່ອນໄຫວດ້ານການຄ້າ,ໂດຍຖືວ່າ ວໍຊິງຕັນ ໄດ້ເສຍຫາຍນັບຕື້ USD ແລ້ວ ຍ້ອນ ປັກກິ່ງ . ພ້ອມທັງຖະແຫຼງວ່າ ຈະປົກປ້ອງການຄ້າຂອງປະເທດນີ້ ໃນສະພາບຄວາມເຄັ່ງຕຶງລະຫວ່າງສອງພື້ນຖານເສດຖະກິດໃຫຍ່ທີ່ສຸດໃນໂລກ ໄດ້ປິນຂັ້ນໄດແບບບໍ່ຄາດຄິດ ພາຍຫຼັງຖະແຫຼງການນາບຂູ່ເພີ່ມອັດຕາພາສີສໍາລັບສິນຄ້ານໍາເຂົ້າຈາກຈີນ ຂອງ ປະທານາທິບໍດີ ອາເມລິກາ. ໃນຖະແຫຼງການຜ່ານສື່ສັງຄົມອອນລາຍ, ທ່ານ Donald Trump ຂຽນວ່າ: “ໃນຫຼາຍປີຜ່ານມາ, ອາເມລິກາ ຖືກເສຍຫາຍ ແຕ່ 600 – 800 ຕື້ USD ຕໍ່ປີ ກ່ຽວກັບດ້ານການຄ້າ. ສະເພາະກັບຈີນ, ພວກຂ້າພະເຈົ້າຖືກເສຍຫາຍ 500 ຕື້ USD. ຂໍໂທດ, ສິ່ງດັ່ງກ່າວ ຈະບໍ່ເກີດຂຶ້ນອີກ”.