ທ່ານປະທານາທິບໍດີ ອາເມລິກາ ມີບົດກ່າວປາໄສກ່ຽວກັບວິໄສທັດເສດຖະກິດ, ປະກາດຍຸດທະສາດ Bidenomics
(VOVWORLD) - ວັນທີ 28 ມິຖຸນາ, ທ່ານປະທານາທິບໍດີ ອາເມລິກາ Joe Biden, ມີບົດກ່າວປາໄສສຳຄັນຢູ່ Chicago ກ່ຽວກັບນະໂຍບາຍເສດຖະກິດ, ໃນນັ້ນ ໄດ້ປະກາດຍຸດທະສາດ Bidenomics.
 ທ່ານປະທານາທິບໍດີ ອາເມລິກາ Joe Biden (ພາບ: AFP/ TTXVN) |
ຍຸດທະສາດນີ້ເນັ້ນໜັກເຖິງວິໄສທັດກ່ຽວກັບການພັດທະນາເສດຖະກິດບົນພື້ນຖານ ແມ່ນປະຊາຊົນຊັ້ນກາງ. ໄປຄຽງຄູ່ກັບການສະເໜີບັນດາໝາກຜົນທີ່ໜ້າປະທັບໃຈເຊິ່ງອຳນາດການປົກຄອງຂອງທ່ານບັນລຸໄດ້ໃນ 2 ປີຜ່ານມາ, ທ່ານປະທານາທິບໍດີ Joe Biden ຢາກຊັກຊວນມະຫາຊົນວ່າ ບັນດາບ້ວງເງິນລົງທຶນທີ່ມີເປົ້າໝາຍຂອງລັດຖະບານອາດຈະສ້າງກຳລັງໜູນຊຸກຍູ້ພື້ນຖານເສດຖະກິດພັດທະນາ ແລະ ຊ່ວຍເຫຼືອຜູ້ອອກແຮງງານ.
ທ່ານປະທານາທິບໍດີ ອາເມລິກາ ຢັ້ງຢືນວ່າທິດສະດີ ເສດຖະກິດ Biden ມີ 3 ການປ່ຽນແປງໃໝ່ໂດຍພື້ນຖານ: ການລົງທຶນແບບອັດສະລິຍະເຂົ້າປະເທດ ອາເມລິກາ, ການສຶກສາ ແລະ ມອບສິດໃຫ້ແກ່ຜູ້ອອກແຮງງານ ອາເມລິກາ ເພື່ອພັດທະນາປະຊາຊົນຊັ້ນກາງ, ຊຸກຍູ້ການແກ້ງແຍ້ງເພື່ອຫຼຸດຜ່ອນຄ່າໃຊ້ຈ່າຍຊ່ວຍໃຫ້ ບັນດາວິສາຫະກິດຂະໜາດນ້ອຍ.