(ພາບ: ກະຊວງການຕ່າງປະເທດຫວຽດນາມ)

ວັນທີ 11 ຕຸລາ, ຢູ່ຮ່າໂນ້ຍ, ທ່ານລັດຖະມົນຕີກະຊວງການຕ່າງປະເທດຫວຽດນາມ ບຸ່ຍແທັງເຊີນ ໄດ້ໃຫ້ການຕ້ອນຮັບທ່ານເອກອັກຄະລັກຖະທູດອິນໂດເນເຊຍ ປະຈຳຫວຽດນາມ Denny Abdi  ມາເຂົ້າຢ້ຽມຂ່ຳນັບ.

ທ່ານລັດຖະມົນຕີກະຊວງການຕ່າງປະເທດ ບຸ່ຍແທັງເຊີນ ສະເໜີໃຫ້ທ່ານເອກອັກຄະລັກຖະທູດ Denny Abdi  ມີຄວາມເອົາໃຈໃສ່ຊຸກຍູ້ການຮ່ວມມືໃນບັນດາຂົງເຂດກ່ວາອີກ, ໃນນັ້ນມີການພົວພັນດ້ານການເມືອງການຕ່າງປະເທດ ແລະ ເສດຖະກິດ; ສູ້ຊົນນຳວົງເງິນສອງຝ່າຍໃຫ້ບັນລຸ 10 ຕື້ USD ໂດຍໄວ;  ຍູ້ແຮງການລົງທຶນໃນບັນດາຂົງເຂດທີ່ສອງຝ່າຍມີຄວາມສາມາດບົ່ມຊ້ອນ ແລະ ມີທ່າແຮງ. ສອງຝ່າຍກ້າວໄປເຖິງການຮັບຮູ້ຊື່ງກັນ ແລະ ກັນກ່ຽວກັບ ປາສປອດວັດຊິນ ເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ພົນລະເມືອງສອງປະເທດ ເຂົ້າອອກເມືອງ.

ສ່ວນທ່ານເອກອັກຄະລັກຖະທູດ Denny Abdi  ເນັ້ນໜັກວ່າ ຍາມໃດ ອິນໂດເນເຊຍ ກໍ່ຖືການພົວພັນຄູ່ຮ່ວມມືຍຸດທະສາດກັບຫວຽດນາມ ເປັນສຳຄັນ, ໃຫ້ຄຳໝັ້ນສັນຍາຈະມານະພະຍາຍາມຜັນຂະຫຍາຍບັນດາຂໍ້ສະເໜີຂອງ ທ່ານລັດຖະມົນຕີກະຊວງການຕ່າງປະເທດ ບຸ່ຍແທັງເຊີນ.

ທ່ານລັດຖະມົນຕີການຕ່າງປະເທດ ບຸຍແທັງເຊີນ ຕ້ອນຮັບທ່ານເອກອັກຄະລັດຖະທູດ ປານາມາ Eligio Alberto Salas De León (ພາບ: baoquocte.vn)

ແລະກໍ່ໃນວັນດຽວກັນ, ທ່ານລັດຖະມົນຕີການຕ່າງປະເທດ ບຸຍແທັງເຊີນ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ປານາມາ Eligio Alberto Salas De León ເຂົ້າຢ້ຽມຂ່ຳນັບຕາມພິທີການທູດ.

          ທີ່ການຕ້ອນຮັບ, ທ່ານລັດຖະມົນຕີການຕ່າງປະເທດ ບຸຍແທັງເຊີນ ສະເໜີໃຫ້ທ່ານເອກອັກຄະລັດຖະທູດ Eligio Alberto Salas De León ຈົ່ງສົມທົບກັນຊຸກຍູ້ບັນດາການຢ້ຽມຢາມ ແລະ ການພົບປະຂັ້ນສູງ, ຮັກສາບັນດາກົນໄກທາບທາມຄຳເຫັນດ້ານການເມືອງ ແລະ ຄະນະກຳມະການປະສົມກ່ຽວກັບເສດຖະກິດ, ການຄ້າ ແລະ ການລົງທຶນລະຫວ່າງ ຫວຽດນາມ - ປານາມາ.

          ສ່ວນທ່ານເອກອັກຄະລັດຖະທູດ Eligio Alberto Salas De León ຢືນຢັນວ່າ ຈະແມ່ນຂົວເຊື່ອມຕໍ່ເພື່ອຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດໃຫ້ນັບມື້ນັບພັດທະນາ, ເຂົ້າສູ່ລວງເລິກ ແລະ ມີປະສິດທິຜົນກວ່າອີກ. ທ່ານເອກອັກຄະລັດຖະທູດ ສະເໜີບາງມາດຕະການລະອຽດແນໃສ່ເພີ່ມທະວີການພົບປະດ້ານການເມືອງ, ຊຸກຍູ້ການພົວພັນດ້ານເສດຖະກິດ  -  ການຄ້າຢູ່ທຸກຂັ້ນ, ທ້ອງຖິ່ນ ແລະ ວິສາຫະກິດກວ່າອີກ.