ທ່ານຫງວຽນເຕີນຢຸງ ໃຫ້ການຕ້ອນຮັບກຸ່ມ ສະມາຊິກລັດຖະສະພາ ຝະລັ່ງ-ຫວຽດນາມ
(ພາບ: nguyentandung.org)
(vovworld)- ວັນທີ 12/9, ທີ່ສຳນັກງານລັດຖະບານ, ທ່ານນາຍົກລັດຖະມົນຕີຫງວຽນເຕີນຢຸງ ໄດ້ໃຫ້ການຕ້ອນຮັບທ່ານ Christian Poncelet ປະທານກຸ່ມສະມາຊິກລັດຖະສະພາຝະລັ່ງ-ຫວຽດນາມ ຂອງສະພາສູງຝະລັ່ງ ຊື່ງພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານນາຍົກລັດຖະມົນຕີຫງວຽນເຕີນຢຸງ ຖືວ່າ: ການຢ້ຽມຢາມດຳເນີນໄປກົງກັບໂອກາດ 2 ປະເທດ ສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດ ແລະ ເຫດການປີຝະລັ່ງ ຢູ່ຫວຽດນາມ ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການພົວພັນລະຫວ່າງຝະລັ່ງ-ຫວຽດນາມ. ທ່ານນາຍົກລັດຖະມົນຕີຫງວຽນເຕີນຢຸງ ຖືວ່າ: ສອງປະເທດມີເງື່ອນໄຂຢ່າງຄົບຖ້ວນເພື່ອຍົກການພົວພັນຂຶ້ນເປັນລະດັບສູງໃໝ່, ນັ້ນແມ່ນການພົວພັນຄູ່ຮ່ວມມືຍຸດທະສາດ, ນຳມາເຊິ່ງຜົນປະໂຫຍດອັນແທດຈິງໃຫ້ແກ່ການພັດທະນາລວມຂອງຝະລັ່ງ ແລະ ຫວຽດນາມ, ເພື່ອສັນຕິພາບ ແລະ ສະຖຽນລະພາບ, ການຮ່ວມມືຂອງບັນດາປະເທດໃນພາກພື້ນ ແລະ ໃນໂລກ. ຫວຽດນາມ ຈະພະຍາຍາມຈົນສຸດຄວາມສາມາດຂອງຕົນພ້ອມກັບຝະລັ່ງ ສືບຕໍ່ນຳການພົວພັນສອງປະເທດນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ, ໂດຍສະເພາະແມ່ນໃນຂົງເຂດເສດຖະກິດ, ການຄ້າ, ການລົງທຶນ….