(ທ່ານເອກອັກຄະລັດຖະທູດ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດຢ້ຽມຢາມ ແລະ ເຮັດວຽກຢູ່ ຊູດັງໃຕ້)

ໃນລະຫວ່າງວັນທີ 16 – 20, ໃນຖານະປະທານຄະນະກຳມະການຂຶ້ນກັບສະພາຄວາມໝັ້ນຄົງສະຫະປະຊາຊາດ ກ່ຽວຂ້ອງເຖິງ ຊູດັງໃຕ້ (ຄະນະກຳມະການ 2206), ທ່ານເອກອັກຄະລັດຖະທູດ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ, ໄດ້ເດີນທາງໄປຢ້ຽມຢາມ ຊູດັງໃຕ້ ເພື່ອຕິດຕາມ, ຜັນຂະຫຍາຍບັນດາມາດຕະການຂຶ້ນກັບມະຕິສະບັບຕ່າງໆຂອງສະພາຄວາມໝັ້ນຄົງ ກ່ຽວຂ້ອງເຖິງວິວັດທະນາການສັນຕິພາບຢູ່ປະເທດນີ້.

        ໃນການຢ້ຽມຢາມ, ທ່ານເອກອັກຄະລັດຖະທູດ ດັ້ງດິ່ງກຸຍ ໄດ້ເຮັດວຽກກັບປະທານາທິບໍດີ ແລະ ຮອບປະທານາທິບໍດີ ຊູດັງໃຕ້, ບັນດາສະມາຊິກສະພາລັດຖະມົນຕີ, ການນຳຄະນະປະຕິບັດງານຮັກສາສັນຕິພາບສະຫະປະຊາຊາດຢູ່ ຊູດັງໃຕ້ (UNMISS), ຄະນະທູຕານຸທູດ, ຜູ້ມີຍົດສັກຕຳແໜ່ງທາງສາສະໜາ ແລະ ຜູ້ຕາງໜ້າບາງອົງການບໍ່ຂຶ້ນກັບລັດຖະບານ…

        ທ່ານເອກອັກຄະລັດຖະທູດ ດັ້ງດິ່ງກຸຍ ໄດ້ຊອກຮູ້ຂໍ້ມູນຂ່າວ, ການຕີລາຄາຂອງລັດຖະບານ ຊູດັງໃຕ້ ແລະ ບັນດາຄູ່ຮ່ວມມືກ່ຽວຂ້ອງເຖິງສະພາບການເມືອງ, ຄວາມໝັ້ນຄົງ, ມະນຸດສະທຳຢູ່ ຊູດັງໃຕ້. ຄະນະປະຕິບັດງານກໍ່ຮັບຟັງບົດລາຍງານກ່ຽວກັບສະພາບການເຄື່ອນໄຫວຂອງທະຫານ ຫວຽດນາມ ພວມເຮັດວຽກຢູ່ຄະນະປະຕິບັດງານຮັກສາສັນຕິພາບສະຫະປະຊາຊາດ ຢູ່ ຊູດັງໃຕ້.