ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດຫວຽດນາມ ຟ້າມບີງມີງ
photo:internet
|
(vovworld)- ເນື່ອງໃນໂອກາດສະເຫລີມສະຫລອງ 38 ແຫ່ງວັນຊາດ ສປປລາວ (ຄືວັນທີ 02/12/1975-02/12/2013), ຕອນເຊົ້າວັນທີ 28/11, ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດຫວຽດນາມ ຟ້າມບີ່ງມີງ ມາສະຖານທູດ ລາວ ປະຈຳ ຮ່າໂນ້ຍ ເພື່ອອວຍພອນວັນຊາດຂອງລາວ. ນະທີ່ນີ້, ທ່ານຟ້າມບີ່ງມີງ ປາດຖະຫນາວ່າ: ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ສືບຕໍ່ພັດທະນາອັນດີງາມ, ນັບມື້ນັບເຂົ້າສູ່ລວງເລິກ ແລະ ມີປະສິດທິຜົນຢ່າງແທດຈິງ, ປະກອບສ່ວນຢ່າງຕັ້ງຫນ້າເຂົ້າໃນກິດຈະການພັດທະນາເສດຖະກິດສັງຄົມຢູ່ແຕ່ລະປະເທດກໍຄືປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ, ຊຸກຍູ້ການຮ່ວມມື ແລະ ວັດທະນາຖາວອນຢູ່ພາກພື້ນ ແລະ ໃນໂລກ. ທ່ານ ອຸຄຳ ແສງແກ້ວມີໄຊ, ອຸປະທູດຊົ່ວຄາວ ຢືນຢັນວ່າ: ສະຖານທູດລາວ ຈະສືບຕໍ່ຮ່ວມມືຢ່າງແຫນ້ນແຟ້ນກັບບັນດາກະຊວງ, ຂະແຫນງການຂອງຫວຽດນາມ ເພື່ອຊຸກຍູ້ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດກວ່າອີກ.