ບັນດາລັດຖະມົນຕີທີ່ເຂົ້າຮ່ວມກອງປະຊຸມວົງແຄບ ບັນດາ ລັດຖະມົນຕີການຕ່າງປະເທດອາຊຽນ
(ພາບ: TTXVN)
|
(vovworld)- ວັນທີ 17/1/2014, ຢູ່ ບາການ ປະເທດມຽນມາ, ໄດ້ດຳເນີນ ກອງປະຊຸມວົງແຄບ ບັນດາ ລັດຖະມົນຕີການຕ່າງປະເທດອາຊຽນ. ກ່າວຄຳເຫັນທີ່ ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ໄດ້ເນັ້ນໜັກເຖິງຄວາມສຳຄັນຂອງ ກອງປະຊຸມວົງແຄບ ບັນດາລັດຖະມົນຕີການຕ່າງປະເທດອາຊຽນຄັ້ງນີ້ ແນໃສ່ກຳນົດທິດການເຄື່ອນໄຫວຂອງອາຊຽນໃນປີ 2014, ໃນສະຖານະການໂລກ ແລະ ພາກພື້ນມີການຜັນແປຢ່າງສັບສົນ ທັງມີກາລະໂອກາດ, ທັງມີສິ່ງທ້າທາຍໃຫຍ່ຫຼາຍຢ່າງ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ຍັງສະເໜີບາງກຳນົດທິດໃຫ້ບຸລິມະສິດໃຫ້ປີ 2014 ກໍຄືແຈ້ງໃຫ້ຊາບເລື່ອງຫວຽດນາມເປັນເຈົ້າການໃນການເປັນເຈົ້າພາບຈັດຕັ້ງບາງເຫດການເພື່ອຊຸກຍູ້ບັນດາເນື້ອໃນທີ່ຍັງຄ້າງຄ່າໃນວິວັດທະນາການກ້າວໄປສູ່ການສ້າງປະຊາຄົມ.
ກ່ຽວກັບທິດທາງໃນອະນາຄົດ, ທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ໄດ້ເນັ້ນໜັກເຖິງວິໄສທັດປະຊາຄົມອາຊຽນຫຼັງປີ 2015 ຄວນອີງບົນບັນດາຫຼັກການຕົ້ນຕໍ ແມ່ນສືບທອດ ແລະ ເສີມຂະຫຍາຍ ບັນດາໝາກຜົນແຫ່ງການ ກໍ່ສ້າງປະຊາຄົມ ທີ່ໄດ້ບັນລຸບົນ 3 ເສົາຄ້ຳ, ຈາກນັ້ນຍົກວິວັດການຮຮ່ວມສຳພັນ, ເຊື່ອມຈອດອາຊຽນໃຫ້ຂຶ້ນສູ່ ລະດັບ ສູງກ່ວາ, ໄປຄຽງຄູ່ກັບການກໍ່ສ້າງພາກພື້ນອາຊີຕາເວັນອອກແຫ່ງ ສັນຕິພາບ, ສະຖຽນລະພາບ, ຮ່ວມມືພັດທະນາ.
ກ່ຽວກັບບັນຫາທະເລຕາເວັນອອກ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນໄດ້ເນັ້ນໜັກເຖິງຄວາມຮັບຜິດຊອບຮ່ວມກ່ຽວກັບການຮັບປະກັນ ສັນຕິພາບ, ສະຖຽນລະພາບ, ຄວາມປອດໄພ ແລະ ຄວາມເສລີໃນການເດີນເຮືອຢູ່ທະເລຕາເວັນອອກ; ປະຕິບັດກົດໝາຍສາກົນ, ຖະແຫຼງການ DOC ຢ່າງເຂັ້ມງວດ, ບໍ່ເຮັດໃຫ້ສະພາບການຢູ່ ທະເລຕາເວັນອອກ ສັບສົນຂຶ້ນຕື່ມ, ຍູ້ແຮງຄວາມມານະພະຍາຍາມເຂົ້າສູ່ການເຈລະຈາເພື່ອບັນລຸປະມວນຫຼັກການປະພຶດ COC ໂດຍໄວ.