ທ່ານຮອງນາຍົກລັດຖະມົນຕີ ຝ້າມບີງມິນ ເຈລະຈາທາງໂທລະສັບກັບລັດຖະມົນຕີການຕ່າງປະເທດຈີນ

ວັນສຸກ ທີ 16 ພຶດສະພາ ຄ.ສ. 2014 | 12:59:53

ທ່ານຮອງນາຍົກລັດຖະມົນຕີທັງເປັນ ລັດຖະມົນຕີການຕ່າງປະເທດຫວຽດນາມ ຝ້າມບີງມິນເຈລະຈາທາງໂທລະສັບກັບລັດຖະມົນຕີການຕ່າງປະເທດຈີນຫວາງອີ (ພາບ: VGP/Hải Minh)

(vovworld)- ທີ່ການເຈລະຈາທາງໂທລະສັບກັບລັດຖະມົນຕີການຕ່າງປະເທດຈີນຫວາງອີ ເມື່ອຕອນບ່າຍ 15/5, ທ່ານຮອງນາຍົກລັດຖະມົນຕີທັງເປັນ ລັດຖະມົນຕີການຕ່າງປະເທດຫວຽດນາມ ຝ້າມບີງມິນ ອີກເທື່ອໜຶ່ງໄດ້ສະແດງທັດສະນະເດັດດຽວ ແລະ ຮຽກຮ້ອງຈີນຈົ່ງຖອນຮ້ານເຈາະນ້ຳມັນ ໄຮຢາງ 981 ພ້ອມດ້ວຍບັນດາກຳປັ່ນທີ່ພວມລ່ວງລ້ຳ ເຂດນ່ານທະເລທີ່ຂຶ້ນກັບອະທິປະໄຕ, ສິດອະທິປະໄຕ ແລະ ສິດອຳນາດສານຂອງຫວຽດນາມ. ທ່ານຮອງນາຍົກລັດຖະມົນຕີທັງເປັນ ລັດຖະມົນຕີການຕ່າງປະເທດຫວຽດນາມ ຝ້າມບີງມິນ ເນັ້ນໜັກວ່າ ການກະທຳນີ້ຂອງຈີນໄດ້ກໍ່ຜົນສະທ້ອນຢ່າງຮ້າຍແຮງເຖິງຄວາມໄວ້ເນື້ອເຊື່ອໃຈລະຫວ່າງ 2 ປະເທດ ແລະ ນ້ຳໃຈຄວາມຮັກແພງລະຫວ່າງປະຊາຊົນ 2 ປະເທດ; ໄປຝືນກັບຂໍຕົກລົງລະຫວ່າງການນຳຂັ້ນສູງ 2 ປະເທດ ແລະ ບັນດາຫຼັກການພື້ນຖານຊີ້ນຳການແກ້ໄຂບັນຫາບົນທະເລລະຫວ່າງ 2 ປະເທດ, ລ່ວງລະເມີດກົດໝາຍສາກົນ, ໄປຝືນກັບເນື້ອໃນຈິດໃຈຖະແຫຼງການກ່ຽວກັບວິທີການປະພຶດຂອງຝ່າຍຕ່າງໆຢູ່ ທະເລຕາເວັນອອກ DOC . ທ່ານຮອງນາຍົກລັດຖະມົນຕີທັງເປັນລັດຖະມົນຕີການຕ່າງປະເທດຫວຽດນາມຝ້າມ ບີງມິນ ຢືນຢັນວ່າ ຫວຽດນາມໄດ້ລະງັບໃຈເຖິງລະດັບສູງສຸດ ແລະ ສະແດງເຈດຕະນາດີ, ໄດ້ແຕ່ງຕັ້ງຮອງລັດຖະມົນຕີການຕ່າງປະເທດໂຮ່ຊວນເຊີນໄປຍັງປັກກິງ ເພື່ອແລກປ່ຽນກັບຈີນຢ່າງກົງໄປກົງມາ. ທ່ານຮອງນາຍົກລັດຖະມົນຕີ ຝ້າມບີງມິນ ສະເໜີທາງຝ່າຍຈີນຈົ່ງນຶກຄິດຢ່າງເຂັ້ມງວດ ແລະ ມີການໂຕ້ຕອບຢ່າງຕັ້ງໜ້າກ່ຽວກັບບັນດາຄວາມຮຽກຮ້ອງຂອງຫວຽດນາມ.

ກ່ຽວກັບເລື່ອງໃນເວລາທີ່ຜ່ານມາ ໄດ້ປະກົດມີການກະທຳທຳລາຍຮາກຖານການຜະລິດຂອງທັງຫວຽດນາມ ແລະ ບັນດານັກລົງທຶນຕ່າງປະເທດ, ຕ້ານຄືນເຈົ້າໜ້າທີ່ປະຕິບັດລັດຖະການຢູ່ບາງທ້ອງຖິ່ນຂອງຫວຽດນາມ, ທ່ານຮອງນາຍົກລັດຖະມົນຕີທັງເປັນລັດຖະມົນຕີການຕ່າງປະເທດຫວຽດນາມຝ້າມ ບີງມິນ ຢືນຢັນວ່າ ນີ້ແມ່ນການກະທຳລະເມີດກົດໝາຍຂອງບາງສ່ວນບຸກຄົນສວຍໃຊ້ສະພາບການເພື່ອກໍ່ຄວາມວຸ່ນວາຍ, ທຳລາຍຄວາມເປັນລະບຽບຮຽບຮ້ອຍ, ຄວາມສະຫງົບປອດໄພສັງຄົມ. ລັດຖະບານຫວຽດນາມໄດ້ ແລະ ພວມນຳໃຊ້ບັນດາມາດຕະການເດັດດຽວສະກັດກັ້ນ ແລະ ປັບໄໝລົງໂທດຕາມລະບຽບກົດໝາຍຕໍ່ບັນດາການກະທຳຍຸຍົງສົ່ງເສີມ, ລະເມີດກົດໝາຍ , ພ້ອມກັນນັ້ນ ກໍສ້າງທຸກເງື່ອນໄຂສະດວກ ແລະ ຮັບປະກັນຄວາມປອດໄພໃຫ້ແກ່ບັນດາສ່ວນບຸກຄົນ, ວິສາຫະກິດ ແລະ ບັນດາອົງການສຳນັກງານຕ່າງປະເທດປະຈຳຫວຽດນາມ, ຊຶ່ງລວມທັງຊາວຈີນ ແລະ ບັນດາວິສາຫະກິດຂອງຈີນ ຖືກຕາມລະບຽບກົດໝາຍ ແລະ ບັນດາຄຳໝັ້ນສັນຍາສາກົນຂອງຫວຽດນາມ.