ທ່ານຮອງນາຍົກລັດຖະມົນຕີຜູ້ປະຈໍາການລັດຖະບານຫວຽດນາມ ເຈືອງຮວ່າບິ່ງ ມອບຂອງຂວັນໃຫ້ແກ່ Fujiwara (ພາບ:VOV)

ລັດຖະບານ, ບັນດາກະຊວງ, ຂະແໜງການ ແລະ ທ້ອງຖິ່ນ ຮ່ວມເດີນທາງພ້ອມກັບບັນດານັກລົງທຶນໃນການຜັນຂະຫຍາຍບັນດາໂຄງການ, ໂດຍສະເພາະແມ່ນຜະລິດໄຟຟ້າຈາກພະລັງງານແສງຕາເວັນ. ກ່າວຄໍາເຫັນທີ່ພິທີເປີດສະຫຼອງໂຮງງານຜະລິດໄຟຟ້າຈາກພະລັງງານແສງຕາເວັນ Fujiwara ຢູ່ເຂດເສດຖະກິດ ກຸຍເຍິນ ນະຄອນກຸຍເຍິນ, ແຂວງບິ່ງດິ້ງ ເຊິ່ງຖືກດໍາເນີນໃນຕອນບ່າຍວັນທີ 19 ສິງຫາ, ທ່ານຮອງນາຍົກລັດຖະມົນຕີຜູ້ປະຈໍາການລັດຖະບານຫວຽດນາມ ເຈືອງຮວ່າບິ່ງ ສະເໜີ:

        “ໂຄງການຜະລິດໄຟຟ້າຈາກພະລັງງານແສງຕາເວັນ Fujiwara ພວມກໍ່ສ້າງໄລຍະ 2. ຂ້າພະເຈົ້າສະເໜີໃຫ້ຄະນະກໍາມະການປະຊາຊົນແຂວງບິ່ງດິ້ງ, ກຸ່ມບໍລິສັດພະລັງງານໄຟຟ້າຫວຽດນາມ ຊີ້ນໍາບັນດາຄະນະ, ຂະແໜງການທີ່ກ່ຽວຂ້ອງ ເອື້ອອໍານວຍຄວາມສະດວກໃຫ້ແກ່ນັກລົງທຶນ, ຕິດຕາມກວດກາເປັນປະຈໍາ ເພື່ອແກ້ໄຂບັນດາຮົ້ວກີດຂວາງ, ຄວາມຫຍຸ້ງຍາກຂອງບັນດານັກລົງທຶນໃນຂະນະທີ່ເຄື່ອນໄຫວດໍາເນີນທຸລະກິດ, ພິເສດແມ່ນໃນໄລຍະຜັນຂະຫຍາຍການກໍ່ສ້າງໄລຍະ 2 ຂອງໂຄງການ ດ້ວຍທັດສະນະທີ່ວ່າ “ຮ່ວມເດີນທາງພ້ອມກັບນັກລົງທຶນ”.

        ໂຄງການໂຮງງານໄຟຟ້າພະລັງງານແສງຕາເວັນ Fujiwara ບິ່ງດ້ິງ ຕັ້ງຢູ່ເຂດເສດຖະກິດ ເຍິນໂຮ້ຍ, ນະຄອນກຸຍເຍິນ, ແຂວງບິ່ງດິ້ງ, ໂດຍມີຍອດເງິນລົງທຶນທັງໝົດເກືອບ 64 ລ້ານ USD, ລວມກໍາລັງການຜະລິດທັງໝົດແມ່ນ 100 MW Pick ຈາກພະລັງງານແສງຕາເວັນ ແລະ ພະລັງງານແຮງລົມ.  ນີ້ແມ່ນໂຄງການທີ່ມີແຫຼ່ງເງິນລົງທຶນ 100% ຈາກ ຍີ່ປຸ່ນ.