(VOVWORLD) -ຕອນບ່າຍວັນທີ 29 ກໍລະກົດ, ທ່ານຮອງນາຍົກລັດຖະມົນຕີ ຜູ້ປະຈໍາການລັດຖະບານ ຫວຽດນາມ ເຈືອງຮວ່າບິງ - ຫົວໜ້າຄະນະຊີ້ນໍາການປະຕິຮູບການບໍລິຫານຂອງລັດຖະບານ ໄດ້ລົງເຮັດວຽກຢູ່ແຂວງກວາງນາມຂອງຫວຽດນາມ ກ່ຽວກັບວຽກງານການປະຕິຮູບ ການບໍລິຫານ.
|
 ທ່ານຮອງນາຍົກລັດຖະມົນຕີຜູ້ປະຈໍາການລັດຖະບານເຈືອງຮວ່າບິງ ກ່າວຄໍາເຫັນທີ່ການເຮັດວຽກ
(ພາບ: voh.com.vn)
|
ທ່ານຮອງນາຍົກລັດຖະມົນຕີຜູ້ປະຈໍາການລັດຖະບານເຈືອງຮວ່າບິງ ໄດ້ສະເໜີວ່າ ໃນໄລຍະຈະມາເຖິງ, ແຂວງກວາງນາມ ຕ້ອງເພີ່ມທະວີຄວາມຮັບຜິດຊອບຂອງຜູ້ນໍາໜ້າ ໃນການປະຕິບັດການປະຕິຮູບການບໍລິຫານ; ຍູ້ແຮງການປ່ຽນແປງໃໝ່, ສັບຊ້ອນ, ລວບລວມການຈັດຕັ້ງກົງຈັກບໍລິຫານໃຫ້ຮັດກຸມ, ເຄື່ອນໄຫວຢ່າງມີປະສິດທິຜົນ; ເພີ່ມທະວີ ການປະຕິຮູບລະບຽບການບໍລິຫານ, ໂດຍສະເພາະແມ່ນບັນດາລະບຽບການທີ່ກ່ຽວຂ້ອງເຖິງ ທີ່ດິນ, ການກໍ່ສ້າງ ແລະ ພາສີ, ອາກອນ.
ກ່ອນໜ້ານັ້ນ, ວັນທີ 28 ກໍລະກົດ, ທ່ານຮອງນາຍົກລັດຖະມົນຕີເຈືອງຮວ່າບິງ ໄດ້ໄປກວດກາສະພາບຕົວຈິງຢູ່ກົມສ່ວຍສາອາກອນແຂວງກວາງນາມ, ສູນບໍລິຫານ ສາທາລະນະນະຄອນຕາມກີ, ສູນບໍລິຫານສາທາລະນະ ແລະ ສົ່ງເສີມການລົງທຶນ ແຂວງກວາງນາມ.