ພິທີສະເຫນີຕົວຄະນະກຳມະການແຫ່ງຊາດກ່ຽວກັບ
ຄົນພິການຫວຽດນາມ
ພາບ:dantri
|
(vovworld)- ວັນທີ 18/1, ເຂົ້າຮ່ວມ ແລະ ກ່າວຄຳເຫັນທີ່ພິທີສະເຫນີຕົວຄະນະກຳມະການແຫ່ງຊາດກ່ຽວກັບຄົນພິການຫວຽດນາມ, ທ່ານຮອງນາຍົກລັດຖະມົນຕີ ຫວູດືກດາມ ຊີ້ແຈ້ງວ່າ: ຫວຽດນາມ ໄດ້ມີຫລາຍກົນໄກ, ນະໂຍບາຍ, ຂະບວນການ, ການເຄື່ອນໄຫວເບິ່ງແຍງດູແລຫນູນຊ່ວຍຄົນພິການ, ເປັນຕົ້ນແມ່ນບັນດາຜູ້ປະສົບເຄາະຮ້າຍໃນສົງຄາມ. ເລື່ອງສ້າງເງື່ອນໄຂໃຫ້ແກ່ຄົນພິການແມ່ນຄວາມຮັບຜິດຊອບຂອງແຕ່ລະຄົນ ແລະ ຂອງທົ່ວສັງຄົມ. ຄະນະກຳມະການແຫ່ງຊາດກ່ຽວກັບຄົນພິການຫວຽດນາມ ໄດ້ຮັບການສ້າງຕັ້ງເພື່ອຊ່ວຍ ນາຍົກລັດຖະມົນຕີ ຊີ້ນຳ, ສົມທົບກັນລະຫວ່າງບັນດາກະຊວງ, ຂະແຫນງການ, ທ້ອງຖິ່ນໃນການແກ້ໄຂບັນດາບັນຫາກ່ຽວຂ້ອງເຖິງກົນໄກ, ນະໂຍບາຍສຳລັບຄົນພິການ. ປະຈຸບັນ ຫວຽດນາມ ມີ ຄົນພິການປະມານ 7,2 ລ້ານຄົນ ມີເກນອາຍຸແຕ່ 5 ປີຂຶ້ນໄປ ກວມ 7,8% ຈຳນວນພົນລະເມືອງ. ໄລຍະຜ່ານມາ, ການປະຕິບັດນະໂຍບາຍກົດໝາຍກ່ຽວກັບຄົນພິການໄດ້ສ້າງການຫັນປ່ຽນຕັ້ງຫນ້າຫລາຍຢ່າງທີ່ມີຕໍ່ຊີວິດການເປັນຢູ່ຂອງຄົນພິການ. ຍາມໃດລັດກໍເອົາໃຈໃສ່, ປະກາດໃຊ້ຫລາຍນະໂຍບາຍ, ບຸລິມະສິດແຫລ່ງກຳລັງໃຫ້ແກ່ການປະຕິບັດບັນດານະໂຍບາຍ, ໂຄງການ, ແຜນຮ່າງຫນູນຊ່ວຍຄົນພິການ. ສິດຂອງຄົນພິການນັບມື້ນັບໄດ້ຮັບປະກັນໃຫ້ດີກວ່າ.