ທ່ານຮອງນາຍົກລັດຖະມົນຕີເວືອງດີງເຫ້ວອວຍພອນບຸນປີໃຫມ່ປະຈຳຊາດ,ມອບຂອງຂວັນໃຫ້ແກ່ກຳມະການແຂວງກອນຕູມ
(VOVWORLD) -ຕອນເຊົ້າວັນທີ 6 ມັງກອນ, ທ່ານຮອງນາຍົກລັດຖະມົນຕີເວືອງດີງເຫວ ໄດ້ເຂົ້າຮ່ວມລາຍການ “ຕ້ອນຮັບບຸນເຕັດປີ 2019 ດ້ວຍຄວາມອົບອຸ່ນ”, ອວຍພອນບຸນເຕັດ, ມອບຂອງຂວັນໃຫ້ແກ່ກຳມະກອນທີ່ປະສົບກັບຄວາມຫຍຸ້ງຍາກຢູ່ ແຂວງ ກອນຕູມ.
 ທ່ານຮອງນາຍົກລັດຖະມົນຕີເວືອງດີງເຫ້ວ ກ່າວຄໍາເຫັນທີ່ການໂອ້ລົມ (ພາບ:TTXVN) |
ເມື່ອໂອ້ລົມກັບບັນດາກຳມະກອນ, ທ່ານຮອງນາຍົກລັດຖະມົນຕີເວືອງດີງເຫ້ວ ຕີລາຄາສູງ ຖັນແຖວພະນັກງານ, ກຳມະກອນ ຊາວຜູ້ອອກແຮງງານແຂວງ ກອນຕູມ ເວົ້າສະເພາະ ແລະ ໃນທົ່ວປະເທດເວົ້າລວມ ໄດ້ມີຄວາມດຸໝັ່ນຂະຫຍັນພຽນ, ມີຫົວຄິດປະດິດສ້າງໃນການອອກແຮງງານທຳການຜະລິດ ປະກອບສ່ວນໃຫ້ແກ່ການພັດທະນາຂອງປະເທດຊາດ. ສຳລັບວຽກງານເບິ່ງແຍງຊີວິດໃຫ້ກຳມະກອນ, ຊາວຜູ້ອອກແຮງງານໃນແຂວງ, ທ່ານຮອງນາຍົກລັດຖະມົນຕີ ເວືອງດີງເຫ້ວ ສະເຫນີວ່າ: “ຄະນະພັກ ແລະ ອຳນາດການປົກຄອງຂັ້ນແຂວງ, ຂັ້ນເມືອງ, ບັນດາວິສາຫະກິດ, ອົງການກຳມະບານ ສືບຕໍ່ຊີ້ນຳເພື່ອຍົກສູງຄຸນນະພາບການເຄື່ອນໄຫວຂອງກຳມະບານຂັ້ນຮາກຖານ, ພ້ອມທັງມີມາດຕະການແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ. ພ້ອມກັນນັ້ນ ຈັດຕັ້ງການເຄື່ອນໄຫວເບິ່ງແຍງສິດຜົນປະໂຫຍດອັນຊອບທຳໃຫ້ແກ່ຄົນງານ. ພິເສດໃນໂອກາດບຸນເຕັດ.”
ເນື່ອງໃນໂອກາດນີ້ ທ່ານຮອງນາຍົກລັດຖະມົນຕີ ໄດ້ມອບຂອງຂວັນ 100 ພູດໃຫ້ແກ່ກຳມະກອນ ແລະ ຊາວຜູ້ອອກແຮງງານທີ່ປະສົບກັບຄວາມຫຍຸ້ງຍາກຢູ່ໃນແຂວງ.