(vovworld) - ດັ່ງທີ່ພວກເຮົາໃຫ້ຂ່າວໄປແລ້ວ, ຕອນເຊົ້າວັນທີ 25/06, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງຫວຽດນາມ ໄດ້ໄປຮອດສະໜາມບິນ ດອນເມືອງ, ນະຄອນຫຼວງບາງກອກ, ເລີ່ມຕົ້ນການຢ້ຽມຢາມລາຊະອານາຈັກໄທ ແຕ່ວັນທີ 25 – 27/06 ຢ່າງເປັນທາງການ, ຕາມຄຳເຊີນຂອງທ່ານນາງນາຍົກຖະມົນຕີໄທ ຍິງຣັກ ສິນນະວັດ. ຕ້ອນຮັບຄະນະຢູ່ສະໜາມບິນ ມີທ່ານຮອງນາຍົກລັດຖະມົນຕີໄທ ຢຸຄົນ ລິມແລງທອງ; ທ່ານລັດຖະມົນຕີກະຊວງພາຍໃນ ຈາຣຸພົງ ເຮືອງສຸວັນ, ພະນັກງານ, ພາລະກອນສະຖານທູດຫວຽດນາມ ປະຈຳໄທ. ເປັນຄັ້ງທຳອີດພາຍຫຼັງ 20 ທີ່ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຢ້ຽມຢາມລາຊະອານາຈັກໄທ ນັບແຕ່ການຢ້ຽມຢາມຂອງທ່ານອະດີດເລຂາທິການໃຫຍ່ ໂດ້ເມື່ອຍ ໃນປີ 1993. ການຢ້ຽມຢາມເປັນການຢືນຢັນວ່າ ຍາມໃດຫວຽດນາມ ກໍ່ຖືການພັດທະນາ ແລະ ເປີດກວ້າງການພົວພັນມິດຕະພາບ ແລະ ການຮ່ວມມືຫຼາຍດ້ານກັບໄທ ເປັນສຳຄັນ, ຖືນັ້ນແມ່ນບຸລິມະສິດໃນນະໂຍບາຍການຕ່າງປະເທດຂອງຫວຽດນາມ, ນຳການພົວພັນລະຫວ່າງ 2 ປະເທດໃຫ້ພັດທະນາຂຶ້ນສູ່ລະດັບສູງໃໝ່, ເພື່ອຜົນປະໂຫຍດຂອງປະຊາຊົນ 2 ປະເທດ,ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ໃນພາກພື້ນ.
ແລະກໍ່ໃນຕອນບ່າຍວັນດຽວກັນ, ຢູ່ສຳນັກງານນາຍົກລັດຖະມົນຕີ, ທ່ານນາງນາຍົກລັດຖະມົນຕີໄທ ຍິງຣັກ ສິນນະວັດ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງຫວຽດນາມ ມາຢ້ຽມຢາມໄທ ຕາມພິທີການລະດັບລັດ. ຫຼັງຈາກນັ້ນ, ທ່ານເລຂາທິການໃຫຍ່ ຫງວຽນຟຸ໋ຈ້ອງ ແລະ ທ່ານນາງນາຍົກລັດຖະມົນຕີໄທ ຍິງຣັກ ສິນນະວັດ ໄດ້ດຳເນີນການເຈລະຈາ ແລະ ຕົກລົງສ້າງຕັ້ງການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ ຫວຽດນາມ - ໄທ.