ເມື່ອປະກອບຄຳເຫັນໃສ່ຮ່າງມະຕິຂອງສະພາແຫ່ງຊາດກ່ຽວກັບການຈັດຕັ້ງອຳນາດການປົກຄອງຕົວເມືອງຢູ່ນະຄອນ ຫາຍຟ່ອງ, ທ່ານເລຂາທິການໃຫຍ່ ໂຕເລິມ ຢັ້ງຢືນວ່າ ນີ້ແມ່ນບັນຫາໃຫຍ່, ສູນກາງພວມສູມໃສ່ປຶກສາຫາລືເຮັດແນວໃດເພື່ອໃຫ້ກົງຈັກລັດກະທັດລັດ, ມີປະສິດທິພາບ, ປະສິດທິຜົນ.

ທ່ານເລຂາທິການໃຫຍ່ ໂຕເລິມ ກ່າວຄຳເຫັນທີ່ກອງປະຊຸມ (ພາບ: quochoi.vn)

ເມື່ອປຶກສາຫາລືກ່ຽວກັບແຜນງານສ້າງຕັ້ງນະຄອນເຫວ້ເປັນນະຄອນຂຶ້ນກັບສູນກາງ, ບັນດາສະມາຊິກສະພາແຫ່ງຊາດໄດ້ຕົກລົງເຫັນດີສ້າງຕັ້ງນະຄອນ ເຫວ້ ມີເງື່ອນໄຂຄົບຖ້ວນເພື່ອກາຍເປັນນະຄອນຂຶ້ນກັບສູນກາງ, ແຕ່ຍັງມີຂໍ້ຈຳກັດຈຳນວນໜຶ່ງ ຕ້ອງສືບຕໍ່ຊອກຫາມາດຕະການແກ້ໄຂເພື່ອປະຕິບັດສຳເລັດມາດຕະຖານຕ່າງໆ.

ປັດຈຸບັນ, ຫວຽດນາມ ມີ 5 ນະຄອນຂຶ້ນກັບສູນກາງ, ເຊິ່ງລວມມີ: ຮ່າໂນ້ຍ, ຫາຍຟ່ອງ, ດ່າໜັງ, ນະຄອນ ໂຮ່ຈີມິນ, ເກີ່ນເທີ. ຖ້າຫາກວ່າ ສະພາແຫ່ງຊາດ ຮັບຮອງເອົາແຜນງານນີ້, ທົ່ວປະເທດຈະມີ 6 ນະຄອນຂຶ້ນກັບສູນກາງ. ບັນດານະຄອນສັງກັດສູນກາງພວມສວມບົດບາດນຳໜ້າໃນການພັດທະນາເສດຖະກິດ - ສັງຄົມຂອງທັງປະເທດ.

ສືບຕໍ່ລາຍການເຮັດວຽກຂອງກອງປະຊຸມສະໄໝສາມັນເທື່ອທີ 8, ສະພາແຫ່ງຊາດ ຫວຽດນາມ ຊຸດທີ XV, ຕອນບ່າຍວັນທີ 31 ຕຸລາ, ຢູ່ຮ່າໂນ້ຍ, ບັນດາສະມາຊິກສະພາແຫ່ງຊາດໄດ້ປຶກສາຫາລືຢູ່ກອງປະຊຸມກ່ຽວກັບຮ່າງກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍປະກັນສຸຂະພາບ.

ບັນຍາກາດກອງປະຊຸມ (ພາບ: quochoi.vn)

ບັນດາສະມາຊິກສະພາແຫ່ງຊາດ ສະເໜີໃຫ້ສືບຕໍ່ເອົາໃຈໃສ່, ມີນະໂຍບາຍຍົກສູງກຳລັງຄວາມສາມາດຂອງສາທາລະນະສຸກຂັ້ນຮາກຖານ, ລົງທຶນແຫຼ່ງກໍາລັງ, ຊັບຊ້ອນວຽກເຮັດງານທຳດ້ວຍລະບອບ, ນະໂຍບາຍທີ່ເໝາະສົມ; ຂະຫຍາຍເປົ້າໝາຍເຂົ້າຮ່ວມປະກັນສຸຂະພາບ; ປົວແປງພື້ນຖານດ້ານວັດຖຸ, ປະກອບອຸປະກອນການແພດ, ຕອບສະໜອງຄຳຮຽກຮ້ອງໃນການກວດ, ປິ່ນປົວພະຍາດໃນປັດຈຸບັນ ໃຫ້ທັນການ.