(vovworld) – ​ ​ໂດຍ​ສືບ​ຕໍ່​ການ​ປະຕິບັດ​ງານ​ຢູ່​ແຂວງ​ກວາງ​ຈີ້, ຕອນ​ເຊົ້າ​ວັນທີ 5/2, ທ່ານ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູນິດ​ຫວຽດນາມ ຫງວຽນ​ຟຸຈ້ອງ ​ໄດ້​ມີ​ການ​ເຮັດ​ວຽກ​ກັບ​ຄະນະ​ປະຈຳ​ຄະນະ​ພັກ​ແຂວງ​ກວາງ​ຈີ້ ກ່ຽວກັບສະພາບ​ການ​ປະຕິບັດ​ໜ້າ​ທີ່​ເສດຖະກິດ-​ສັງຄົມ ​ແລະ ວຽກ​ງານ​ກະກຽມ​​ໃຫ້ກອງ​ປະຊຸມ​ໃຫຍ່​ອົງຄະ​ນະ​ພັກ​ທຸກ​ຂັ້ນ.

ກ່າວ​ຄຳ​ເຫັນ​ທີ່​ການ​ເຮັດ​ວຽກ, ທ່ານ​ເລຂາທິການ​ໃຫຍ່ ຫງວຽນ​ຟຸຈ້ອງ ສະ​ເໜີ​ໃຫ້​ອົງຄະ​ນະ​​ພັກ​ກວາງ​ຈີ້ ​ໃນ​ປີ 2015 ​ແລະ ບັນດາ​ຊຸມ​ປີ​ຕໍ່​ໄປ​ຄວນ​ສຸມ​ໃສ່​ເຂົ້າ​ໃນໜ້າ​ທີ່​ພັດທະນາ​ເສດຖະກິດ-​ສັງຄົມ; ຕັດສິນ​ໃຈ​ປະຕິບັດ​ບັນ ດາ​ຄາດດໝາຍ​ເຊິ່ງກອງ​ປະຊຸມ​ໃຫຍ່ຊຸດ​ທີ 15 ອົງຄະ​ນະ​ພັກ​ກວາງ​ຈີ້​ ​ໄດ້​ວາງ​ອອກຢ່າງ​ສູງ​ສຸດ. ຕາມ​ທ່ານ​ເລຂາທິການ​ໃຫຍ່​ແລ້ວ, ກວາງ​ຈີ້ ຄວນ​ເພີ່ມ ອັດຕາ​ສ່ວນອຸດສາຫະກຳ​ໃນ​ໂຄງ​ປະກອບ​ເສດຖະກິດ; ພັດທະນາ​ກະສິກຳ​,  ປ່າ​ໄມ້​ຢ່າງຮອບດ້ານ ຕາມ​ທິດ​ມີ​ສະມັດ​ຕະພາບ ​ແລະ ຄຸນ​ນະພາ​ບສູງ, ​ເອົາ​ໃຈ​ໃສ່​ເຖິງ​ສົ້ນ​ອອກ ​ແລະ ອຸດສາຫະກຳ​ປຸງ​ແຕ່ງ; ​ຂຸດ​ຄົ້ນ​ຄວາມ​ສາມາດ​ບົ່ມ​ຊ້ອນ​ດ້ານທ່ອງ​ທ່ຽວ; ກໍ່ສ້າງ​ໝູ່​ເກາະ​ໂກ່ນ​ກໍ້ ຕິດ​ພັນ​ກັບ​ການ​ພັດທະນາ​ເສດຖະກິດ​​ທະ​ເລ. ​ແຂວງ​ກວາງ​ຈີ້ ກໍ່​ຄວນ​ເອົາ​ໃຈ​ໃສ່​ພິ​ເສດ​ເຖິງ​ວຽກ​ງານ​ສັງຄົມ; ຮັບປະກັນ​ຄວາມ​ເປັນ​ລະບຽບ​ຮຽບຮ້ອຍ, ຄວາມ​ໝັ້ນຄົງ​ດ້ານ​ການ​ເມື​ອງ, ປົກ​ປັກ​ຮັກສາ​ອະທິປະ​ໄຕ​ແຫ່ງ​ຊາດ, ກໍ່ສ້າງ​​ເສັ້ນຊາຍ​ແດນສັນຕິພາບ, ມິດຕະພາບ​ກັບປະ​ເທດ​ລາວ. ອົງຄະ​ນະ​ພັກ​ແຂວງ​ກວາງ​ຈີ້ ຄວນ​ກະກຽມດຳ​ເນີນກອງ​ປະຊຸມ​ໃຫຍ່​ອົງຄະ​ນະ​ພັກ​ທຸກ​ຂັ້ນ​​ ​​ໃຫ້​ດີ​ທີ່​ສຸດ ຕິດ​ພັນ​ກັບ​​ການ​ສືບ​ຕໍ່​ປັບປຸງ, ກໍ່ສ້າງ​ພັກ​ໃຫ້​ດີ​ກ່ວາອີກຕາ​ມມະຕິ​ຂອງ​ຄະນະ​ບໍລິຫານ​ງານສູນ​ກາງພັກກອມ​ມູນິດ​ຫວຽດນາມ​ຄັ້ງ​ທີ 4 ຊຸດ​ທີ 11.