(VOVWORLD) -ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ຟ້າມບິງມິງ ຫາກໍ່ລົງນາມມະຕິສະບັບເພີ່ມເຕີມບັນຊີລາຍຊື່ ດ່ານຊາຍແດນສາກົນທີ່ອະນຸຍາດໃຫ້ຊາວຕ່າງປະເທດເຂົ້າ - ອອກເມືອງດ້ວຍວີຊາເວເລັກໂຕນິກ
 ທ່າອາກາດສະຍານສາກົນ ເວິນໂດນ (ກ໋ວາງນິງ) ອະນຸຍາດໃຫ້ຊາວຕ່າງປະເທດເຂົ້າ - ອອກເມືອງດ້ວຍວີຊາເອເລັກໂຕນິກ (ພາບ: baochinhphu.vn) |
ລັດຖະບານຕົກລົງເພີ່ມເຕີມດ່ານຊາຍແດນທ່າອາກາດສະຍານສາກົນ ເວິນໂດນ ເຂົ້າບັນຊີລາຍຊື່ດ່ານຊາຍແດນສາກົນທາງການບິນ ທີ່ອະນຸຍາດໃຫ້ຊາວຕ່າງປະເທດເຂົ້າ - ອອກເມືອງດ້ວຍວີຊາເອເລັກໂຕນິກ.
ຕາມມະຕິແລ້ວ, ມີດ່ານຊາຍແດນທາງການບິນ 8 ແຫ່ງ ທີ່ອະນຸຍາດໃຫ້ຊາວຕ່າງປະເທດ ເຂົ້າອອກເມືອງດ້ວຍວິຊາເອເລັກໂຕນິກ ລວມມີ: ດ່ານຊາຍແດນທ່າອາກາດສະຍານສາກົນ ໂນ້ຍບ່າຍ, ເຕິນເຊີນເຍິດ, ກາມແຣງ, ດ່ານັ້ງ, ກາດບີ, ເກິ່ນເທີ, ຝຸກວັກ, ຝຸບ່າຍ.