(vovworld) – ​​​ວັນ​ທີ 1/7, ທຳ​ນຽບ 5 ແຈ​ໄດ້​ກ່າວ​ເຕືອນ​​ວ່າ​ກຸ່ມ​ຫົວ​ຮຸນ​ແຮງ “ລັດ​ອິດ​ສະ​ລາມ” (IS) ອ້າງ​ຊື່​ເອງ​ອາດຈະດຳ​ເນີນ​​ການ​ບຸກ​ໂຈມ​ຕີ​ຄັ້ງ​ຕ່າງໆເພື່ອ​ແນ​ໃສ່​ປະ​ເທດ ອາ​ເມ​ລິ​ກາ ໃນ​ໂອ​ກາດ​ວັນ​ສະ​ຖາ​ປ​ະ​ນາ​ປະ​ເທດຂອງ​ປະ​ເທດນີ້ (4/7). ກ່າວ​ຄຳ​ເຫັນ​ຕໍ່​ວົງ​ການ​ນັກ​ຂ່າວ, ທ່ານ​ລັດ​ຖະ​ມົນ​ຕີ​ວ່າ​ການ​ກະ​ຊວງ​ປ້ອງ​ກັນ​ປະ​ເທດ ອາ​ເມ​ລິ​ກາ Ashton Carter ຖື​ວ່າ: ປະ​ເທດ ອາ​ເມ​ລິ​ກາ ພວມ​ປະ​ເຊີນ​ໜ້າ​ກັບ​ບັນ​ດາ​ໄພ​ນາບ​ຂູ່​​ດ້ານ​ປ້ອງ​ກັນ​ຄວາ​ມ​ສະ​ຫງົບ​ຈາກ​ບັນ​ດາ​ພາກ​ສ່ວນ​ທີ່​ຖືກ​ຜົນ​ສະ​ທ້ອນ​ຈາກ​ແນວ​ຄິດ​ຫົວ​ຮຸນ​ແຮງ​ຂອງ IS. ຕາມ​ທ່ານ Carter ແລ້ວ, ໂດຍ​ຕ່າງ​ກັບ​ກົນ​ໄກ​ເຄື່ອນ​ໄຫວ​ຂອງ​ເຄືອ​ຂ່າຍ​ກໍ​ການ​ຮ້າຍ Al Qeada, ໃນ​ສະ​ໄໝເຄືອ​ຂ່າຍ​ສັງ​ຄົມ​ພັດ​ທະ​ນາ​ຄື​ປະ​ຈຸ​ບັນ, ເປົ້າ​ໝາຍ​ທີ່​​ມີ​ແນວ​​ຄິດ​​ຜິດ​ພາດ​ອາດ​ຈະ​ເຄື່ອນ​ໄຫວດ້ວຍ​ຕົນ​ເອງ ຫາກບໍ່​ຕ້ອງ​ການ​ໄດ້​ຮັບ​ຄຳ​ສັ່ງ​ຈາກ​ອົງ​ການ​ຫົວ​ຮຸນ​ແຮງ​ໃດ​ໆ. ຄ້າຍ​ຄື​ກັນ​ກັບ​ທຳ​ນຽບ 5 ແຈ, ​ກ່ອນ​ໜ້ານັ້ນ, ກົມ​ສືບ​ສວນ​ສະ​ຫະ​ລັດ ອາ​ເມ​ລິ​ກາ (FBI) ແລະ ກະ​ຊວງ​ປ້ອງ​ກັນ​ຄວາມ​ສະ​ຫງົບ​ພາຍ​ໃນ​ປະ​ເທດນີ້ໄດ້​ຝາກ​ໃຫ້​ກຳ​ລັງ​ມີ​ໜ້າ​ທີ່​ຮັບ​ຜິ​ດ​ຊອບ​ທ້ອງ​ຖິ່ນ​​ຂໍ້​ມູນ​ຂ່າວ​ທີ່ກ່າວ​ເຕືອນ​ດ້ານ​​ປ້ອງ​ກັນ​ຄວາມ​ສະ​ຫງົບໃນ​ໂອ​ກາດ​​​ວັນ​ສະ​ຖາ​ປະ​ນາ. ບັນ​ດາ​ອົງ​ການນີ້​ກ່າວ​ເຕືອນ​ວ່າ​ກຳ​ລັງ​ປ້ອງ​ກັນ​ຄວາມ​ສະ​ຫງົບ​ລັດ​ຕ່າງໆ​ຕ້ອງ​ຍົກ​ສູງ​ສະ​ຕິ​​ລະ​ວັງຕົວ​ຕໍ່​ ໄພ​ບຸກ​ໂຈມ​ຕີ​​ທີ່ຈະ​ເກີດ​ຄືນ​ໃນ​ໂອ​ກາດນີ້.