ນັກທຸລະກິດຍິງ ຫວຽດນາມ ເຕີບໂຕ ແລະ ເຊື່ອມໂຍງ
(ພາບປະກອບ)
(vovworld) - ນັກທຸລະກິດຍິງຫວຽດນາມ ເຕີບໂຕ ແລະ ເຊື່ອມໂຍງ ແມ່ນຫົວຂໍ້ຂອງກອງປະຊຸມສຳມະນາເຊິ່ງຈັດຂັນໃນຕອນເຊົ້າວັນທີ 02/03 ຢູ່ແຂວງ ຟຸທ້ໍ, ໂດຍສະຫະພັນແມ່ຍິງຫວຽດນາມ ຈັດຕັ້ງ.
ທີ່ກອງປະຊຸມ, ບັນດາຜູ້ແທນໄດ້ສຸມໃສ່ໄຈ້ແຍກບັນດາສິ່ງທ້າທາຍໃນສະພາບເຊື່ອມໂຍງເຂົ້າກັບສາກົນ ເຊິ່ງນັກທຸລະກິດຍິງຕ້ອງປະເຊີນໜ້າ, ຈາກນັ້ນແບ່ງປັນບັນດາບົດຮຽນເພື່ອຊຸກຍູ້ວິສາຫະກິດເປີດກວ້າງການຜະລິດ, ດຳເນີນທຸລະກິດ. ຜູ້ແທນຫຼາຍຄົນຖືວ່າ ການພັດທະນາຂອງວິສາຫະກິດ, ໂດຍສະເພາະແມ່ນວິສາຫະກິດໂດຍແມ່ຍິງເປັນເຈົ້າຂອງ ແມ່ນສາມາດຊຸກຍູ້ໄດ້ໃນສະພາບເຊື່ອມໂຍງ, ຫັນເປັນສາກົນປະສົບກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງຄືປະຈຸບັນ. ໃນນັ້ນແຕ່ລະວິສາຫະກິດຕ້ອງມີຍຸດທະສາດດຳເນິນທຸລະກິດຢ່າງຈະແຈ້ງ, ຮັບຮູ້ໄດ້ຄວາມສ່ຽງ ແລະ ທີ່ຕັ້ງຂອງວິສາຫະກິດໃນສະພາບເສດຖະກິດການຕະຫຼາດທ້ອງຖິ່ນ, ເຂດ ຈາກນັ້ນວາງອອກຄາດໝາຍໃຫ້ວິສາຫະກິດ. ພິເສດຄວນຍູ້ແຮງຮູບແບບເຊື່ອມຕໍ່ເຄືອຂ່າຍນັກທຸລະກິດຍິງ, ແມ່ຍິງຜະລິດ, ເຮັດການບໍລິການຢູ່ທ້ອງຖິ່ນ ຫຼື ກັບບັນດາເຂດພາກອື່ນໆ.