ທ່ານນາງດັ້ງທິງອັກທິ້ງ ຮອງປະທານປະເທດ ຫວຽດນາມ(ພາບ: TTXVN)

        ຕອນເຊົ້າວັນທີ 2 ພຶດສະພາ, ຢູ່ຮ່າໂນ້ຍ ໄດ້ດຳເນີນການໂອ້ລົມສົນທະນາ “ນັກທຸລະກິດຍິງ ແລະ  ຄວາມໃຝ່ຝັນເພື່ອ ຄວາມວັດທະນາຖາວອນຂອງ ຫວຽດນາມ”ໂດຍມີການເຂົ້າຮ່ວມຂອງທ່ານນາງດັ້ງທິງອັກທິ້ງ ຮອງປະທານປະເທດ ຫວຽດນາມ, ທ່ານນາງ ຫງວຽນທິທູຮ່າ ປະທານສະຫະພັນແມ່ຍິງ ຫວຽດນາມ ແລະ ການນຳເພດຍິງຂັ້ນສູງຈຳນວນໜຶ່ງຂອງບັນດາວິສາຫະກິດພາຍໃນ ແລະ ຕ່າງປະເທດ. ນີ້ແມ່ນເຫດການໃນຂອບເຂດເວທີປາໄສເສດຖະກິດພາກເອກະຊົນ 2019.

ກ່າວຄຳເຫັນທີ່ການໂອ້ລົມສົນທະນາ, ທ່ານນາງ ຫງວຽນທິທູຮ່າ ປະທານສະຫະພັນແມ່ຍິງ ຫວຽດນາມ ໄດ້ຢັ້ງຢືນວ່າ ໃນສະພາບການປັດຈຸບັນ, ເຄື່ອງສຳພາລະເດີນທາງຂອງບັນດານັກທຸລະກິດຍິງແມ່ນ ຄວາມໃຝ່ຝັນ ແລະ ວິໄສທັດອະນາຄົດ,   ມຸ່ງໄປສູ່ການເຊື່ອມໂຍງເຂົ້າກັບສາກົນ. ທ່ານນາງ ຫງວຽນທິທູຮ່າ ຖືວ່າໃນໄລຍະຈະມາເຖິງ, ສຳລັບການພັດທະນາຂອງພື້ນຖານເສດຖະກິດດີຈີຕອນ, ເມື່ອ ຫວຽດນາມ ເຂົ້າຮ່ວມສັນຍາການຄ້າຫຼາຍສະບັບ, ບັນດານັກທຸລະກິດຍິງຕ້ອງການໄດ້ຮັບການໜູນຊ່ວຍຈາກພັກ, ລັດ, ລັດຖະບານ, ບັນດາອົງການ, ອົງການຈັດຕັ້ງສາກົນ ເພື່ອບັນລຸໄດ້ຜົນງານໃນອະນາຄົດ.

        “ພວກຂ້າພະເຈົ້າຫວັງວ່າໃນໄລຍະຈະມາເຖິງຈະມີການເຊື່ອມໂຍງ, ແບ່ງປັນ, ໜູນຊ່ວຍ ແລະ ຕໍ່ກຳລັງແຮງໃຫ້ແກ່ຖັນແຖວນັກທຸລະກິດ ຍິງ, ເຮັດແນວໃດເພື່ອໃຫ້ພວກເຮົາສາມາດມີນັກທຸລະກິດຍິງຫຼາຍກ່ວາອີກ, ນີ້ເປັນຄວາມເອກອ້າງຖະນົງໃຈຂອງວິສາຫະກິດ ຫວຽດນາມ ທັງຢູ່ພາຍໃນ ແລະ ຕ່າງປະເທດ”

ທີ່ການໂອ້ລົມສົນທະນາ, ບັນດາຜູ້ແທນໄດ້ແບ່ງປັນບັນດາບົດຮຽນໃນການເລີ່ມຕົ້ນດຳເນີນທຸລະກິດ, ບັນດານຄວາມສະດວກ ແລະ ສິ່ງທ້າທາຍ ຊຶ່ງ ນັກທຸລະກິດຍິງຕ້ອງປະເຊີນໜ້າໃນວິວັດການເຄື່ອນໄຫວ, ຜະລິດ, ດຳເນີນທຸລະກິດ, ພ້ອມທັງສະແດງຄວາມປາດຖະໜາຢາກປະກອບສ່ວນເຂົ້າໃນສັງຄົມ ແລະ ປະຊາຄົມ.