ພາບປະກອບ:internet

(vovworld) - ຕາມຕົວ​ເລກ​ຂອງ​ກົ​ມ​ໃຫຍ່​ສະຖິຕິ ຫວຽດນາມ ສະແດງ​ໃຫ້​ເຫັນ​ວ່າ: ​ໃນ​ເດືອນ 11, ຈຳນວນ​ນັກ​ທ່ອງ​ທ່ຽວ​ສາກົນ ມາ​ຢ້ຽມຢາມ ຫວຽດນາມ ​ເພີ່ມ​ຂຶ້ນ​ເກືອບ 25% ​ເມື່ອ​ທຽບ​ໃສ່​ເດືອນ​ກ່ອນ ​ແລະ ​ເພີ່ມ​ຂຶ້ນ 7,2% ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ​ກາຍ. ​​ໃນ 11 ​ເດືອນ​ຜ່ານ​ມາ, ຈຳນວນ​ນັກ​ທ່ອງ​ທ່ຽວ​ສາກົນ​ມາ​ຢ້ຽມຢາມ ຫວຽດນາມ ບັນລຸ​ກວ່າ 6 ລ້ານ​ເທື່ອ​ຄົນ, ​ເພີ່ມ​ຂຶ້ນ 11,4% ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ​ກາຍ. ​ໃນ​ນັ້ນ ປະ​ເທດ​ມີ​ນັກ​ທ່ອງ​ທ່ຽວ​ມາ​ຫວຽດນາມ ຫລາຍ​ສຸ ດ​ແມ່ນ: ສ​ເກົາຫລີ ກວມ 31,5%, ຖັດມາ​ແມ່ນ ມາ​ເລ​ເຊຍ ​ເພີ່ມ​ຂຶ້ນ 25,6%, ​ໄທ ​ເພ​ີ່ມຂຶ້ນ 24,6%. ​ເພື່ອ​ບັນລຸ​ຈຸດ​ໝາຍ​ດຶງ​ດູດນັກ​ທ່ອງ​ທ່ຽວ​ໃຫ້​ໄດ້ 6,5 ລ້ານ​ເທື່ອ​ຄົນ​ໃນ​ປີ 2012, ຂະ​ແຫນງ​ທ່ອງ​ທ່ຽວ ຫວຽດນາມ ພວມ​ຍູ້​ແຮງ​ຫລາຍ​ມາດ​ຕະການ​ເພື່ອ​ກະ​ຕຸ້ນ​ຄວາມ​ຕ້ອງການ​ໃນ​ໂອກາດ​ວັນ​ບຸນ​ກຼິດສະມາດ, ​ໃນ​ນັ້ນ​ມຸ່ງ​ໄປ​ເຖິງ​ການ​ດຶງ​ດູດ​ຈຳນວນ​ນັກ​ທ່ອງ​ທ່ຽວ​ມາ​ຈາກ​ເອີ​ລົບ.