(vovworld) - ເພື່ອໂຄສະນາເຜີຍແຜ່ບັນດາມຸນຄ່າດ້ານວັດທະນະທຳທີ່ເປັນມູນເຊື້ອຂອງຊາດ, ສະມາຄົມນັກສຶກສາ ຫວຽດນາມ ຢູ່ນະຄອນ Bath, ລາຊະອານາຈັກ ອັງກິດ, ເອີ້ນຫຍໍ້ວ່າ VietBathSoc, ຫາກໍ່ຈັດຕັ້ງລາຍການທີ່ມີຊື່ວ່າ: VietTet Show ໄດ້ດຶງດູດການເຂົ້າຮ່ວມຂອງເພື່ອນມິດອັງກິດ ແລະ ສາກົນເປັນຈຳນວນຫຼວງຫຼາຍ. ເມື່ອເຂົ້າຮ່ວມລາຍການ, ຜູ້ຊົມມີກາລະໂອກາດຄົ້ນຫາຄວາມງາມມະຫັດສະຈັນຂອງຊຸດເຊື້ອຍາວ ຫວຽດນາມ, ໄດ້ຮັບຊົມກຸບ ຫວຽດນາມ, ກໍ່ຄືໄດ້ຊອກຫາປະຫວັດສາດ ຫວຽດນາມ ຜ່ານບົດລະຄອນ “ເລື່ອງລາວກ່ຽວກັບເຂົ້າຕົ້ມ, ເຂົ້າໜົມໄຢ”. ພ້ອມກັບບັນດາລາຍການໂຄສະນາວັດທະນະທຳ ຫວຽດນາມ ແມ່ນບັນດາບົດເພງຍ້ອງຍໍບ້ານເກີດເມືອງນອນ, ປະເທດຊາດ... ພາຍຫຼັງລາຍການສະແດງສິລະປະ, ທຸກຄົນໄດ້ພ້ອມກັນຮັບປະທານອາຫານຫຼາຍເຍື່ອງທີ່ເປັນເອກະລັກສະເພາະຂອງ ຫວຽດນາມ. VietTet Show ປີນີ້ໄດ້ຈັດຂຶນຢູ່ມະຫາວິທະຍາໄລ Bath ແລະ ນີ້ແມ່ນເຫດການມີຂອບຂະໜາດໃຫຍ່ທີ່ສຸດນັບແຕ່ເມື່ອ VietBathSoc ໄດ້ຮັບການສ້າງຕັ້ງຂຶ້ນກ່ອນນີ້ 4 ປີ.