ນັບແຕ່ເວລາ 00 ໂມງ ຂອງ ວັນທີ 26 ມີນາ ຈະຢຸດຕິການຂົນສົ່ງພົນລະເມືອງຫວຽດນາມຈາກຕ່າງປະເທດກັບມາສະໜາມບິນໂນ້ຍບ່າຍເປັນການຊົ່ວຄາວ
(VOVWORLD) -ຢຸດຕິການຂົນສົ່ງພົນລະເມືອງຫວຽດນາມໃນບັນດາຖ້ຽວບິນສາກົນ ມາລົງຈອດຢູ່ທ່າອາກາດສະຍານສາກົນໂນ້ຍບ່າຍ ເປັນການຊົ່ວຄາວ ເລີ່ມແຕ່ເວລາ 00 ໂມງ 00 ນາທີຂອງວັນທີ 26 ມີນາ ໄປຈົນຮອດວັນທີ 31 ມີນາ 2020.
 ຢຸດຕິການຂົນສົ່ງພົນລະເມືອງຫວຽດນາມໃນບັນດາຖ້ຽວບິນສາກົນ ມາລົງຈອດຢູ່ທ່າອາກາດສະຍານສາກົນໂນ້ຍບ່າຍ ເປັນການຊົ່ວຄາວ (ພາບ: TTXVN) |
ກະຊວງຄົມມະນາຄົມຂົນສົ່ງຫວຽດນາມ ໄດ້ສົ່ງໜັງສືທາງລັດຖະການ ໄປຍັງກົມການບິນຫວຽດນາມ ວ່າດ້ວຍການຢຸດຕິການຂົນສົ່ງພົນລະເມືອງຫວຽດນາມໃນບັນດາຖ້ຽວບິນສາກົນ ມາລົງຈອດຢູ່ທ່າອາກາດສະຍານສາກົນໂນ້ຍບ່າຍ ເປັນການຊົ່ວຄາວ. ໂດຍໄດ້ເລີ່ມປະຕິບັດແຕ່ເວລາ 00 ໂມງ 00 ນາທີຂອງວັນທີ 26 ມີນາ ໄປຈົນຮອດວັນທີ 31 ມີນາ 2020.
ກ່ອນໜ້ານັ້ນ, ກະຊວງຄົມມະນາຄົມຂົນສົ່ງ ກໍໄດ້ຮຽກຮ້ອງໃຫ້ຂະແໜງການບິນ ຢຸດຕິການຂົນສົ່ງຜູ້ໂດຍສານທີ່ເປັນພົນລະເມືອງຫວຽດນາມໃນບັນດາຖ້ຽວບິນສາກົນທີ່ມາລົງຈອດຢູ່ສະໜາມບິນ ເຕິນເຊີນເຍິ໊ດ ເປັນການຊົ່ວຄາວ ນັບແຕ່ເວລາ 00 ໂມງ 00 ນາທີຂອງວັນທີ 25 ມີນາ ໄປຈົນຮອດວັນທີ 31 ມີນາ 2020 ຍ້ອນສາເຫດດຽວກັນນັ້ນແມ່ນ ບັນດາເຂດແຍກຕົວຢູ່ນະຄອນໂຮ່ຈີມິນ ແມ່ນບໍ່ສາມາດຮັບຜູ້ໂດຍສານຕື່ມອີກໄດ້ແລ້ວ.