(ພາບປະກອບ)
(vovworld) – ໃນຂອບເຂດກອງປະຊຸມຂັ້ນສູງ ອາຊຽນ ຄັ້ງທີ 27 ແລະ ບັນດາກອງປະຊຸມຂັ້ນສູງທີ່ກ່ຽວຂ້ອງ, ວັນທີ 22/11, ຢູ່ກອງປະຊຸມຂັ້ນສູງສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງ ອາຊຽນ ແລະ ນິວຊີແລນ, ທ່ານນາຍົກລັດຖະມົນຕີ ນິວຊີແລນ John Key ຖະແຫຼງວ່າ: ຈະລົງທຶນກ່ວາ 131 ລ້ານ USD ເຂົ້າບັນດາປະເທດ ອາຊຽນ ໃນຮອບ 3 ປີຈະມາເຖິງ. ນີ້ໄດ້ຮັບຖືວ່າ ເປັນສ່ວນໜຶ່ງຂອງຂໍ້ຕົກລົງຍົກລະດັບການພົວພັນ ນິວຊີແລນ - ອາຊຽນ ຂຶ້ນເປັນສາຍພົວພັນຄູ່ຮ່ວມມືຍຸດທະສາດ. ນິວຊີແລນ ຈະຜັນຂະຫຍາຍຈຳນວນເງິນລົງທຶນດັ່ງກ່າວໃນ 3 ປີ, ສຸມໃສ່ເຂົ້າໃນຂົງເຂດສ້າງກຳລັງຄວາມສາມາດຂອງປະຊາຊົນໃນພາກພື້ນ ແລະ ສ້າງການຮ່ວມສຳພັນລະຫວ່າງບັນດາການນຳ ແລະ ນັກທຸລະກິດຕ່າງໆ. ທ່ານນາຍົກລັດຖະມົນຕີ John Key ສະແດງຄວາມເຊື່ອໝັ້ນວ່າ: ດ້ວຍຈຳນວນພົນລະເມືອງ 625 ລ້ານຄົນ ແລະ ຍອດຈຳນວນ GDP ຄາດຄະເນວ່າ ຈະເພີ່ມຂຶ້ນ 5,2 ພັນຕື້ USD ໃນປີ 2030 ນັ້ນ, ອາຊຽນ ຈະນຳມາເຊິ່ງກາລະໂອກາດຫລາຍສົມຄວນໃຫ້ ນິວຊີແລນ.