ນະຄອນ ໂຮ່ຈີມິນ ແລະ ວິສາຫະກິດ ຝະຣັ່ງ ເຊື່ອມຕໍ່ການຮ່ວມມືພັດທະນາການຄົມມະນາຄົມຕົວເມືອງ
(VOVWORLD) - ຕອນບ່າຍວັນທີ 07 ມີນາ, ທ່ານ ເຈີ່ນຫວີງຕ໋ວຽນ ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ໄດ້ມີການເຮັດວຽກກັບຄະນະວິສາຫະກິດ ຝະຣັ່ງ ກ່ຽວກັບຂົງເຂດຄົມມະນາຄົມ ແລະ ທາງລົດໄຟຕົວເມືອງ,
 ທີ່ການເຮັດວຽກກັບຄະນະວິສາຫະກິດ ຝະຣັ່ງ (ພາບ: TTXVN) |
ໂດຍທ່ານ Vincent Floreani ຫົວໜ້າສະຖານກົງສູນໃຫຍ່ ຝະຣັ່ງ ປະຈຳນະຄອນ ໂຮ່ຈີມິນ ນຳໜ້າ ເພື່ອແນໃສ່ແລກປ່ຽນ, ຊອກຫາໂອກາດການຮ່ວມມືລົງທຶນຢູ່ນະຄອນ ໂຮ່ຈີມິນ. ຕີລາຄາສູງຄວາມເອົາໃຈໃສ່ ແລະ ເຈດຕະນາດີໃນການຮ່ວມມືຂອງຄະນະວິສາຫະກິດ ຝະຣັ່ງ, ທ່ານ ເຈີ່ນຫວີງຕ໋ວຽນ ຫວັງວ່າ ການຢ້ຽມຢາມຈະເປີດແງ່ຫວັງການຮ່ວມມືລະຫວ່າງນະຄອນ ກັບວິສາຫະກິດ ຝະຣັ່ງ, ພິເສດແມ່ນໃນຂົງເຂດພັດທະນາການຄົມມະນາຄົມຕົວເມືອງ.