ນະຄອນ ໂຮ່ຈີມິນ ໃຊ້ຈ່າຍຈຳນວນເງິນ 1.400 ຕື້ດົ່ງເພື່ອເບິ່ງແຍງດູແລບຸນເຕັດໃຫ້ແກ່ປະຊາຊົນ

ຕອນເຊົ້າວັນທີ 22 ກຸມພາ, ຄະນະກຳມະການປະຊາຊົນນະຄອນ ໂຮ່ຈີມິນ ໄດ້ສະຫລຸບວຽກງານຈັດຕັ້ງ, ເບິ່ງແຍງດູແລບຸນປີໃໝ່ປະຈຳຊາດປີຈໍ 2018 ໃຫ້ແກ່ປະຊາຊົນນະຄອນ. ດ້ວຍທິດນຳ “ສາມັກຄີ, ເບີກບານມ່ວນຊື່ນ, ສູ້ຊົນ, ຄວາມປອດໄພ ແລະ ການປະຢັດ”, ຮັບປະກັນວ່າທຸກໆຄອບຄົວ, ທຸກໆຄົນໄດ້ຕ້ອນຮັບບຸນເຕັດປີຈໍ 2018 ຜ່ານມາ. ນະຄອນ ໄດ້ປະຕິບັດຢ່າງມີປະສິດທິຜົນນະໂຍບາຍຮັບປະກັນຊີວິດສັງຄົມ, ເບິ່ງແຍງດູແລຊີວິດທາງດ້ານວັດຖຸ, ຈິດໃຈໃຫ້ແກ່ບັນດາເປົ້າໝາຍທີ່ມີຄຸນງາມຄວາມດີ, ເປົ້າໝາຍນະໂຍບາຍສັງຄົມ, ຄົນທຸກຍາກ, ຄອບຄົວທຸກຍາກ, ເດັກນ້ອຍຜູ້ທີ່ປະສົບກັບຄວາມຫຍຸ້ງຍາກເປັນພິເສດດ້ວຍຍອດມູນຄ່າເກືອບ 1.400 ຕື້ດົ່ງ. ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ຫງວຽນແທ່ງຟອງ, ໃຫ້ຮູ້ວ່າ:

        “ປີນີ້, ນະຄອນໄດ້ຈັດຕັ້ງບັນດາການເຄື່ອນໄຫວເບິ່ງແຍງດູແລຕ້ອນຮັບບຸນປີໃໝ່ປະຈຳຊາດປີຈໍ 2018, ປະຊາຊົນໄດ້ຕ້ອນຮັບບຸນເຕັດດ້ວຍຄວາມເບີກບານມ່ວນຊື່ນ, ປອດໄພ, ຮັບປະກັນຄວາມເປັນລະບຽບຮຽບຮ້ອຍ. ປີນີ້, ນະຄອນມີຫຼາຍຈຸດໃໝ່, ເມື່ອ ສະພາແຫ່ງຊາດໄດ້ປະກາດໃຊ້ມະຕິ 54 ກ່ຽວກັບການທົດລອງກົນໄກນະໂຍບາຍພິເສດ ພັດທະນານະຄອນໂຮ່ຈີມິນ ດັ່ງນັ້ນຄວາມມ່ວນຊື່ນນັ້ນໄດ້ຮັບການທະວີຄຸນ ແລະ ໄດ້ແຜ່ຂະຫຍາຍ.”