ກ່າວຄໍາເຫັນທີ່ພິທີ, ທ່ານ ເລແທງລຽມ, ຮອງປະທານຜູ້ປະຈໍາການ, ໃຫ້ຮູ້ວ່າ: ຫວຽດນາມ ແລະ ມາເລເຊຍ ມີຈຸດວັດທະນະທໍາ ແລະ ຮີດຄອງປະເພນີ ທີ່ຄ້າຍຄືກັນ, ປະຊາຊົນສອງປະເທດ ມີສາຍພົວພັນຮ່ວມມື, ແລກປ່ຽນເຊິ່ງກັນແລະກັນ ມາແຕ່ດົນນານ. ສາຍພົວພັນດັ່ງກ່າວ, ນັບມື້ນັບໄດ້ຮັບການເພີ່ມທະວີ ແລະ ພັດທະນາ ພາຍຫຼັງສອງປະເທດສ້າງຕັ້ງການພົວພັນທາງການທູດ ເມື່ອວັນທີ 30 ມີນາ 1973, ພິເສດແມ່ນພາຍຫຼັງໄດ້ຍົກລະດັບການພົວພັນໃຫ້ຂຶ້ນເປັນການພົວພັນຄູ່ຮ່ວມມືຍຸດທະສາດເມື່ອປີ 2015. ທີ່ພິທີ, ທ່ານ Sofian Akmal Abd.Karim, ຫົວໜ້າສະຖານກົງສູນ ມາເລເຊຍປະຈໍານະຄອນໂຮ່ຈີມິນ, ຢັ້ງຢືນວ່າ:
“ ຂ້າພະເຈົ້າເຊື່ອໝັ້ນວ່າ ການພົວພັນສອງຝ່າຍ ອາດຈະໄດ້ຮັບການເພີ່ມທະວີ ແລະ ເປີດກວ້າງກວ່າອີກ. ພວກຂ້າພະເຈົ້າປາດຖະໜາຢາກໜູນຊ່ວຍຫຼາຍກວ່າໃຫ້ການພົວພັນດັ່ງກ່າວ, ພິເສດແມ່ນຢູ່ນະຄອນໂຮ່ຈີມິນ ໃນຊຸມປີຜ່ານມາ. ພ້ອມກັບພິທີສະເຫຼີມສະຫຼອງດັ່ງກ່າວ, ໃນລະຫວ່າງວັນທີ 10 – 14 ສິງຫາ ຈະມາເຖິງ, ຄະນະຜູ້ແທນຫວຽດນາມ ກໍຈະເດີນທາງໄປມາເລເຊຍ ເພື່ອຊອກຮູ້ກ່ຽວກັບລະບົບການສຶກສາ ແລະຊອກຫາບັນດາກາລະໂອກາດຮ່ວມມືທີ່ມີຄວາມສາມາດບົ່ມຊ້ອນ”.