(vovworld)- ໃນ​ວັນ​ທີ 29/7, ການ​ນຳ​ຄະ​ນ​ະກຳ​ມະ​ການ​ປະ​ຊາ​ຊົນນະ​ຄອນ​ໂຮ່​ຈີ​ມິນ ໄດ້​ມີ​ການ​ພົວ​ປະ​ ກັບ​ຄະ​ນະ​​ຜູ້​ແທນກົງ​ສູນ​ໃຫຍ່​ມາ​ເລ​ເຊຍ ປະ​ຈຳ​ນະ​ຄອນ​ໂຮ່​ຈີ​ມິນ ແລະ ສະ​ມາ​ຄົມ​ວິ​ສາ​ຫະ​ກິດ​ມາ​ເລ​ເຊຍ ​ປະ​ຈຳ ​ຫວຽດ​ນາມ. ນະ​ທີ່ນີ້, ທ່ານ ເລ​ແທ່ງ​ລຽມ, ຮອງ​ປະ​ທານຄະ​ນ​ະກຳ​ມະ​ການ​ປະ​ຊາ​ຊົນນະ​ຄອນ​ໂຮ່​ຈີ​ມິນ ໃຫ້​ຮູ້​ວ່າ: ດ້ວຍ​​ສັນ​ຍາ​ຄູ່​ຮ່ວມ​ມື​ຂ້າມ​ປາ​ຊີ​ຟິກ ແລະ ປະ​ຊາ​ຄົມ​ອາ​ຊຽນ, ນະ​ຄອນ​ຈະ​ຕ້ອນ​ຮັບ​ກະ​ແສ​ລົງ​ທຶນໃໝ່ ​ຈາກ​ບັນ​ດາ​ນັກ​ລົງ​ທຶນ​ມາ​ເລ​ເຊຍ. ການ​ນຳ​ນະ​ຄອນ​ຍາມ​ໃດ​ກໍ​່ຕັດ​ສິນ​ໃຈ ແລະ ມາ​ນະ​ພະ​ຍາ​ຍາມ​ປັບ​ປຸງ​ລະ​ບຽບ​ການບໍ​ລິ​ຫານ, ​ປັບ​ປຸງ​ສະ​ພາບ​ແວດ​ລ້ອມ​ການ​ລົງ​ທຶນ ເພື່ອ​ສ້າງ​ເງື່ອນ​ໄຂ​ສະ​ດວກ​ທີ່​ສຸດ ໃຫ້​ແກ່​ບັນ​ດາ​ວິ​ສາ​ຫະ​ກິດ​ຕ່າງ​ປະ​ເທດ, ໃນ​ນັ້ນ, ມ​ີ​ບັນ​ດາ​ວິ​ສາ​ຫະ​ກິດ​ມາ​ເລ​ເຊຍ ​ທີ່​ດຳ​ເນີນ​ທຸ​ລະ​ກິດ ​ຢູ່ ​ນະ​ຄອນ.

        ສ່ວນ ທ່ານ Sofia Akmalabd, ຫົວ​ໜ້າ​ກົງ​ສູນ​ໃຫຍ່​ມາ​ເລ​ເຊຍ ປະ​ຈຳ ນະ​ຄອນ​ໂຮ່​ຈີ​ມິນ ໃຫ້​ຮູ້​ວ່າ: ການ​ພົບ​ປະ ​ລະ​ຫວ່າງ ຄະ​ນະ​ກຳ​ມະ​ການ​ປະ​ຊາ​ຊົນ​ນະ​ຄອນ​ ກັບ​ປະ​ຊາ​ຄົມ​ວິ​ສາ​ຫະ​ກິດ​ມາ​ເລ​ເຊຍ ບໍ່​ພຽງ​ແຕ່​ເປັນ​ການ​ພົບ​ປະ​ສົນ​ທະ​ນາ​ເທົ່າ​ນັ້ນ ແຕ່​ຍັງ​ເປັນ​ໂອ​ກາດ​ເຊື່ອມ​ຕໍ່ ແລະ ຮັດ​ແໜ້ນ​ນ້ຳ​ໃຈ​ມິດ​ຕະ​ພາບ ລະຫວ່າງ ກຳ​ມະ​ການ​ປະ​ຊາ​ຊົນ​ນະ​ຄອນ, ບັນ​ດາ​ພະ​ແນກ, ຂະ​ແໜງ​ການ​ຂອງນະ​ຄອນ ແລະ ກົງ​ສູນ​ໃຫຍ່, ວິ​ສາ​ຫະ​ກິດ ​ມາ​ເລ​ເຊຍ ອີກ​ດ້ວຍ.