ທ່ານລັດຖະມົນຕີກະຊວງການເງິນ ຫວຽດນາມ  ໂຮ່ດຶກເຝິກ ກ່າວຄຳເຫັນທີ່ກອງປະຊຸມ (ພາບ: TTVN)

ທີ່ເວທີປາໄສ, ຜູ້ຕາງໜ້າກົມໃຫຍ່ສວຍສາອາກອນ ແລະ ກົມໃຫຍ່ພາສີ ກໍແຈ້ງໃຫ້ຊາບກ່ຽວກັບມາດຕະການຈຸດສຸມຈຳນວນໜຶ່ງ ທີ່ຈະໜູນຊ່ວຍວິສາຫະກິດໃນໄລຍະຈະມາເຖິງ, ພິເສດແມ່ນກ່ຽວກັບການປະຕິຮູບລະບຽບການບໍລິຫານ, ໝູນໃຊ້ການຫັນເປັນດີຈີຕອນ, ພັດທະນາພາສີອາກອນ ແລະ ຜ່ານດານທາງເອເລັກໂຕນິກ. ທ່ານລັດຖະມົນຕີກະຊວງການເງິນ ຫວຽດນາມ  ໂຮ່ດຶກເຝິກ ເນັ້ນໜັກວ່າ, ຈະມານະພະຍາຍາມຮັບປະກັນແຫຼ່ງງົບປະມານໃຫ້ພຽງພໍ ເພື່ອໜູນຊ່ວຍການຟື້ນຟູ ແລະ ພັດທະນາເສດຖະກິດ - ສັງຄົມຂອງປະເທດຊາດ:

     “ໜູນຊ່ວຍວິສາຫະກິດ ດ້ວຍການຫຼຸດອັດຕາດອກເບ້ຍລົງ, ໝາຍຄວາມວ່າ  ເປັນການຈ່າຍງົບປະມານໜູນຊ່ວຍວິສາຫະກິດ 2%, ປະມານ 40.000 ຕື້ດົ່ງ; ລົງທຶນສ້າງພື້ນຖານໂຄງລ່າງ, ໂດຍສະເພາະແມ່ນເສັ້ນທາງດ່ວນເໜືອ - ໃຕ້ ແລະ ເສັ້ນທາງດ່ວນສາຍຕ່າງໆ. ນອກຈາກນັ້ນ, ຍັງມີນະໂຍບາຍອື່ນຫຼາຍສະບັບ. ນີ້ແມ່ນຄວາມມານະພະຍາຍາມໃຫຍ່ຫຼວງທີ່ສຸດຂອງກະຊວງການເງິນໃນການໜູນຊ່ວຍປະຊາຄົມວິສາຫະກິດ”.