ທ່ານນາຍົກລັດຖະມົນຕີ Nguyen Tan Dung  ໃຫ້ການຕ້ອນຮັບທ່ານ Samdech Heng Samrin ປະທານສະພາແຫ່ງຊາດ ກຳປູເຈຍ ພາບ: internet

 (vovworld) - ຕອນບ່າຍວັນທີ 23/7 ຢູ່ ຮ່າໂນ້ຍ, ທ່ານ Nguyen Tan Dung ນາຍົກລັດຖະມົນຕີ ຫວຽດນາມ ໄດ້ໃຫ້ການຕ້ອນຮັບທ່ານ Samdech Heng Samrin ປະທານສະພາແຫ່ງຊາດ ກຳປູເຈຍ ພວມຢ້ຽມຢາມສັນຖະວະໄມຕີ ຫວຽດນາມ ຢ່າງເປັນທາງການ. ນະທີ່ນີ້ ທ່ານນາຍົກລັດຖະມົນຕີ Nguyen Tan Dung ໄດ້ເນັ້ນຫນັກວ່າ: ຫວຽດນາມ ຍາມໃດກໍຖືການພົວພັນມິດຕະພາບທີ່ເປັນ​ມູນ​ເຊື້ອ​ໝັ້ນຄົງ​ຍາວ​ນານ​ກັບ ກຳປູ​ເຈຍເປັນ​ສຳຄັນ ​ແລະ ​ຈະ​ເຮັດ​ຈົນ​ສຸດ​ຄວາມ​ສາມ​າດຂອງ​ຕົນ​ເພື່ອ​ສືບ​ຕໍ່ເພີ່ມ​ພູນ​ຄູນ​ສ້າງ​ສາຍ​ພົວພັນລະຫວ່າງ​ສອງ​ປະ​ເທດ​ໃຫ້​ນັບ​ມື້​ນັບ​ພັດທະນາ​ຢ່າງ​ມີ​ປະສິດທິ​ຜົນ​ກວ່າ​ໃນ​ທຸກ​ຂົງ​ເຂດຄື: ການ​ເມືອງ, ການ​ທູດ, ​ເສດຖະກິດ, ວັດທະນະທຳ, ການ​ສຶກສາ, ການ​ພົວພັນແລກປ່ຽນ​​ປະຊາຊົນ.. ທ່ານ​ນາຍົກລັດຖະມົນຕີ Nguyen Tan Dung ສະ​ເຫ​ນີ​ໃຫ້​ສອງ​ຝ່າຍ​ສົມທົບ​ກັນ​ຢ່າງ​ແຫນ້ນ​ແຟ້ນ, ຈັດ​ຕັ້ງ​ການ​ເຄື່ອນ​ໄຫວ​ສະ​ເຫລີ​ມສະຫລອງ​ປີ​ມິດຕະພາບ ຫວຽດນາມ ​ແລະ ກຳປູ​ເຈຍ 2012 ຢ່າງ​ມີ​ປະສິດທິ​ຜົນ; ສູ້​ຊົນ​ປະຕິບັດ​ວຽກ​ງານ​ຂີດ​ຂັ້ນ, ​ປັກ​ຫລັກ​ໝາຍຊາຍ​ແດນ​ທາງບົກ​ຖືກ​ກັບ​ລະດັບ​ຄວາມ​ໄວ; ກໍ່ສ້າງ​ເສັ້ນ​ຊາຍ​ແດນ ຫວຽດນາມ - ກຳປູ​ເຈຍ​ໃຫ້​ກາຍເປັນ​ເສັ້ນ​ຊາຍ​ແດນ​ສັນຕິພາບ, ການ​ຮ່ວມ​ມື ມິດຕະພາບ ​ແລະ ພັດທະນາ.