(VOVWORLD) - ຕອນເຊົ້າວັນທີ 30 ມັງກອນ, ຢູ່ສຳນັກງານລັດຖະບານ, ຢູ່ນະຄອນຫຼວງ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ໃຫ້ການຕ້ອນຮັບທ່ານປະທານາທິບໍດີ ຟີລິບປິນ Ferdinand Romualdez Marcos Jr. ທີ່ພວມຢ້ຽມຢາມທາງລັດຖະກິດ ຢູ່ ຫວຽດນາມ.
 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານປະທານາທິບໍດີ ຟີລິບປິນ Ferdinand Romualdez Marcos Jr (ພາບ: VOV) |
ນະທີ່ນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານປະທານາທິບໍດີ ຟີລິບປິນ Ferdinand Romualdez Marcos Jr. ເຫັນດີເປັນເອກະພາບສືບຕໍ່ເພີ່ມທະວີການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ, ທຸກຂະແໜງການ ແລະ ທ້ອງຖິ່ນຕ່າງໆ; ເຫັນດີຜັນຂະຫຍາຍບັນດາກົນໄກຮ່ວມມືສອງຝ່າຍຢ່າງຄົບຖ້ວນໂດຍໄວ; ສຳຫຼວດກວດຄືນແຜນການເຄື່ອນໄຫວຜັນຂະຫຍາຍການພົວພັນຄູ່ຮ່ວມມືຍຸດທະສາດ ໄລຍະ 2019 – 2024 ຢ່າງຮອບດ້ານ; ສ້າງແຜນການເຄື່ອນໄຫວໄລຍະໃໝ່, ໃນນັ້ນ ໃຫ້ບຸລິມະສິດໃນບັນດາຂົງເຂດໃໝ່ທີ່ມີກຳລັງບົ່ມຊ້ອນຄື: ຫັນເປັນດີຈີຕອນ, ພັດທະນາເສດຖະກິດສີຂຽວ, ເສດຖະກິດໝູນວຽນ, ຮັບມືກັບການປ່ຽນແປງຂອງດິນຟ້າອາກາດ, ຫັນປ່ຽນພະລັງງານ…
ຕອນບ່າຍວັນທີ 30 ມັງກອນ, ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານປະທານາທິບໍດີ ຟີລິບປິນ ໄດ້ເປັນປະທານຮ່ວມການພົບປະກັບວິສາຫະກິດດີເດັ່ນຂອງສອງປະເທດ ຫວຽດນາມ - ຟີລິບປິນ. ກ່າວຄຳເຫັນທີ່ການພົບປະ, ທ່ານປະທານາທິບໍດີ ຟີລິບບິນ Ferdinand Romualdez Marcos Jr ເຊື່ອໝັ້ນວ່າ ບັນດາວິສາຫະກິດ ຟີລິບປິນ ຈະສືບຕໍ່ຮ່ວມມື, ເປີດກວ້າງການລົງທຶນຢູ່ ຫວຽດນາມ; ພ້ອມທັງສະເໜີວ່າ ສອງຝ່າຍຈະສືບຕໍ່ພັດທະນາບັນດາຂົງເຂດຮ່ວມມືດ້ານເສດຖະກິດ, ການຄ້າທີ່ມີມາແຕ່ດົນນານ, ໂດຍສະເພາະແມ່ນຂົງເຂດກະສິກຳ ແລະ ບັນດາຂົງເຂດໃໝ່ຄື ການຂຸດຄົ້ນແຮ່ທາດ, ການລົງທຶນເຕັກໂນໂລຢີສີຂຽວ, ການເຊື່ອມຕໍ່ທາງຄົມມະນາຄົມ, ເຕັກໂນໂລຢີ…
ສ່ວນທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ສະເໜີໃຫ້ເພີ່ມກຳລັງໜູນການຮ່ວມມືໃໝ່ຕື່ມອີກ. ລັດຖະບານ ຫວຽດນາມ ໃຫ້ຄຳໝັ້ນສັນຍາ ຍາມໃດກໍຈະຮ່ວມເດີນທາງ ແລະ ສ້າງເງື່ອນໄຂສະດວກ ເພື່ອໃຫ້ບັນດາວິສາຫະກິດ ຟີລິບປິນ ລົງທຶນສຳເລັດຜົນ, ຍືນຍົງ, ຍາວນານຢູ່ ຫວຽດນາມ ອີງຕາມລະບຽບກົດໝາຍ.
ຫວູຄວຽນ