(VOVWORLD) - ຕອນເຊົ້າວັນທີ 10 ມັງກອນ, ໃນແຜນປະຕິບັດງານຢູ່ແຂວງ ຫາຍເຢືອງ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຢ້ຽມຢາມ, ມອບຂອງຂວັນ ລະດົມກຳລັງໃຈພະນັກງານ, ກຳມະກອນ, ຜູ້ອອກແຮງງານໃນບໍລິເວນແຂວງ.
 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ມອບຂອງຂວັນເນື່ອງໃນໂອກາດບຸນປີໃໝ່ປະຈຳຊາດ (ພາບ: VOV) |
ໄປລະດົມກຳລັງໃຈ ແລະ ອວຍພອນກຳມະກອນ, ຊາວຜູ້ອອກແຮງງານ ຢູ່ກຸ່ມບໍລິສັດ Huyndai Motor ຫາຍເຢືອງ ເນື່ອງໃນໂອກາດບຸນປີໃໝ່, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ແບ່ງປັນວ່າ ປີຜ່ານມາ ຫວຽດນາມ ບັນລຸໄດ້ຜົນງານເປັນໜ້າຊື່ນຊົມໃນທຸກຂົງເຂດ. ທ່ານກໍຢັ້ງຢືນວ່າ ໃນຜົນງານລວມ ແມ່ນມີການປະກອບສ່ວນຢ່າງໃຫຍ່ຫຼວງຂອງຖັນແຖວກຳມະກອນຜູ້ອອກແຮງງານໃນທົ່ວປະເທດ.
ທ່ານນາຍົກລັດຖະມົນຕີ ເນັ້ນໜັກວ່າ ຫວຽດນາມ ຍາມໃດກໍຖືມະນຸດເປັນໃຈກາງ, ເປັນເຈົ້າກຳ, ເປັນເປົ້າໝາຍ, ກຳລັງໜູນແກ່ການພັດທະນາ; ບໍ່ເອົາຄວາມກ້າວໜ້າ ແລະ ຍຸຕິທຳໃນສັງຄົມ ເພື່ອແລກການເຕີບໂຕເສດຖະກິດ. ດັ່ງນັ້ນ, ທ່ານນາຍົກລັດຖະມົນຕີ ສະເໜີໃຫ້ ສະຫະພັນໃຫຍ່ແຮງງານ ຫວຽດນາມ ພ້ອມດ້ວຍອຳນາດການປົກຄອງທຸກຂັ້ນ, ອົງການທີ່ກ່ຽວຂ້ອງ, ບັນດາວິສາຫະກິດ ເອົາໃຈໃສ່ເຖິງການປຸກສ້າງເຮືອນຢູ່ໃຫ້ກຳມະກອນຫຼາຍກວ່າອີກ, ພ້ອມທັງພັດທະນາພື້ນຖານໂຄງລ່າງ ດ້ານສາທາລະນະສຸກ, ການສຶກສາ, ການລະຫຼີ້ນບັນເທີງຢູ່ເຂດດຳລົງຊີວິດຂອງກຳມະກອນ.
ຕອນບ່າຍວັນດຽວກັນ, ທ່ານນາຍົກລັດຖະມົນຕີ ຟ້າມມິງຈິງ ໄດ້ມອບຂອງຂວັນໃຫ້ຄົນທຸກຍາກຢູ່ນະຄອນ ຈິລິງ ແຂວງ ຫາຍເຢືອງ.