ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຕ້ອນຮັບທ່ານ ທ່ານ Christian Berger ເອກອັກຄະລັດຖະທູດ ແຫ່ງສາທາລະນະລັດເຢຍລະມັນປະຈຳຫວຽດນາມ

ຊົມເຊີຍເຢຍລະມັນທີ່ໄດ້ສ້າງຕັ້ງລັດຖະບານໃໝ່ ໂດຍທ່ານນາງ Markel ເປັນນາຍົກລັດຖະມົນຕີ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເນັ້ນໜັກວ່າ  ສອງປະເທດມີການພົວພັນທີ່ເປັນມູນເຊື້ອອັນດີງາມ. ຫວຽດນາມຖືການພົວພັນກັບເຢຍລະມັນເປັນສຳຄັນທີ່ສຸດ, ຫວັງວ່າສອງຝ່າຍຈະນັບມື້ນັບຮັດແໜ້ນການພົວພັນຮ່ວມມືໃຫ້ດີຍິ່ງກວ່າອີກ. ພ້ອມກັນນັ້ນ, ທ່ານນາຍົກລັດຖະມົນຕີ ກໍໄດ້ຕີລາຄາສູງຕໍ່ບັນດາໂຄງການຮ່ວມມືລະຫວ່າງສອງປະເທດທີ່ໄດ້ ແລະ ກຳລັງຜັນຂະຫຍາຍຢູ່ຫວຽດນາມໃນບາງຂົງເຂດຄື ເສດຖະກິດ, ການສຶກສາ - ບຳລຸງສ້າງ, ວັດທະນະທຳ ແລະ ອື່ນໆ. ທ່ານນາຍົກລັດຖະມົນຕີກໍຊົມເຊີຍບັນດາວິສາຫະກິດຂອງເຢຍລະມັນເຂົ້າມາລົງທຶນດໍາເນີນທຸລະກິດຢູ່ຫວຽດນາມ ແລະ ຢັ້ງຢືນວ່າ ລັດຖະບານ ແລະ ບັນດາອົງການກ່ຽວຂ້ອງຂອງຫວຽດນາມຈະສືບຕໍ່ສ້າງຄວາມສະດວກໃຫ້ແກ່ບັນດາວິສາຫະກິດເຢຍລະມັນທີ່ມາລົງທຶນ, ດໍຳເນີນທຸລະກິດຢ່າງປະສົບຜົນສຳເລັດຢູ່ຫວຽດນາມ.

        ຂອບອົບຂອບໃຈບັນດາກະຊວງ, ຂະແໜງການຂອງຫວຽດນາມ ທີ່ຮ່ວມມື, ຊຸກຍູ້ການພົວພັນລະຫວ່າງສອງປະເທດ, ທ່ານ ເອກອັກຄະລັດຖະທູດ Christian Berger ໄດ້ແລກປ່ຽນກ່ຽວກັບບາງມາດຕະການເພີ່ມທະວີການພົວພັນລະຫວ່າງ ຫວຽດນາມ - ເຢຍລະມັນໃຫ້ດີກວ່າອີກ, ພິເສດແມ່ນໃນຂົງເຂດເສດຖະກິດ, ການຄ້າ, ການລົງທຶນ, ການສຶກສາ ແລະ ວັດທະນະທຳ.