ຕອນຄ່ຳວັນທີ 23 ກໍລະກົດ, ເນື່ອງໃນໂອກາດສະເຫຼີມສະຫລອງ 70 ປີແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ, 49 ປີແຫ່ງວັນໄຊຊະນະເຂດສາມແຍກ ດົ່ງໂລກ, ແຂວງ ຮ່າຕິ້ງ ໄດ້ສົມທົບກັບໜັງສືພິມ ເຍີນເຢີນ (ສຽງຂອງພັກກອມມູນິດ ຫວຽດນາມ) ຈັດຕັ້ງລາຍການສິລະປະ “ດົ່ງໂລກ ເຂດດິນແດນທີ່ສັກສິດ”. ກ່າວຄຳເຫັນໄຂລາຍການ, ນັກຂ່າວ ທ້ວນຫືວ, ປະທານສະມາຄົມນັກຂ່າວ ຫວຽດນາມ, ບັນນາທິການໃຫຍ່ ໜັງສືພິມ ເຍີນເຢີນ, ໄດ້ເນັ້ນໜັກວ່າ: ໃນໄລຍະດຸເດືອດທີ່ສຸດຂອງສົງຄາມຕ້ານ ອາເມລິກາ ກູ້ຊາດ, ເຂດ 3 ແຍກດົ່ງໂລກ ໄດ້ກ້າວເຂົ້າສູ່ໜ້າປະຫວັດສາດ ແລະ ກາຍເປັນອະມະຕະ ຍ້ອນຄວາມສຳຄັນດ້ານຍຸດທະສາດຂອງເສັ້ນທາງລຳລຽງຂົນສົ່ງທັນຍາຫານ, ອາວຸດ… ຈາກແນວຫຼັງພາກເໜືອຂົນສົ່ງ ໄປສູ່ສະໜາມຮົບພາກໃຕ້. ດົ່ງໂລກ ໄດ້ກາຍເປັນສະຖານທີ່ແຫ່ງຄວາມທຳລາຍຢ່າງດຸເດືອດຂອງຈັກກະພັດ ອາເມລິກາ. ປະຊາຊົນນັບຮ້ອຍຄົນໄດ້ເສຍສະຫຼະຊີວິດຢູ່ເຂດດິນແດນທີ່ແຫ່ງສັກສິດນີ້. ໃນຈຳນວນຊາວໜຸ່ມຕະລຸມບອນຍິງ 10 ຄົນຂອງໝູ່ 4 ທີ່ຂຶ້ນກັບກອງຮ້ອຍ 552, ກອງຊາວໜຸ່ມຕະລຸມບອນ 55 ແຂວງ ່ຮ່າຕິ້ງ. ການເສຍສະຫຼະຊີວິດທີ່ພິລະອາດຫານຂອງບັນດານາງສາວເຫຼົ່ານັ້ນໄດ້ກາຍເປັນສັນຍາລັກແຫ່ງການອຸທິດສ່ວນອັນໃຫຍ່ຫຼວງຂອງຊາວໜຸ່ມຮັກຊາດນັບລ້ານໆຄົນ.

ການສະແດງສິລະປະທີ່ລາຍການ

        ທີ່ລາຍການ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຮັບຮອງປະກອບສ່ວນຕ່າງໆຂອງບັນດາວິລະຊົນທີ່ເສຍສະຫຼະຊີວິດເພື່ອຊາດ, ພະນັກງານປະຕິວັດຜູ້ອາວຸໂສ, ບັນດາແມ່ ຫວຽດນາມ ວິລະຊົນ, ວິລະຊົນ ໃນກຳລັງປະກອບອາວຸດ ແລະ ກຳລັງຕ່າງໆທີ່ໄດ້ຕໍ່ສູ້ຢ່າງພິລະອາດຫານເພື່ອພາລະກິດຕໍ່ສູ້ປົດປ່ອຍຊາດ. ທ່ານນາຍົກລັດຖະມົນຕີ ຫງວຽນຊວນຟຸກ ຖະຫວາຍທູບທຽນຢູ່ອະນຸສອນສະຖານ ຊາວໜຸ່ມຕະລຸມບອນທົ່ວປະເທດ, ນັກຮົບທີ່ໄດ້ເສຍສະຫຼະຊີວິດເພື່ອຊາດ, ຖະຫວາຍທູບທຽນຢູ່ເຂດສຸສານຂອງຊາວໜຸ່ມຕະລຸມບອນຍິງ 10 ຄົນທີ່ໄດ້ເສຍສະຫຼະຊີວິດເພື່ອຊາດ. ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໄດ້ມອບປຶ້ມເງິນປະຢັດໃຫ້ຜູ້ຕາງໜ້າຍາດຕິພີ່ນ້ອງຂອງຊາວໜຸ່ມຕະລຸມບອນຍິງ 10 ຄົນທີ່ໄດ້ເສຍສະຫຼະຊີວິດຢູ່ທາງສາມແຍກດົ່ງໂລກ ອີກດ້ວຍ.