ນາຍົກລັດຖະມົນຕີ ຫງວຽນເຕີນຢູງ ຕ້ອນຮັບປະທານ, ທັງເປັນຜູ້ອຳນວຍການໃຫຍ່ທະນາຄານ ຂາອອກ - ຂາເຂົ້າ ສ ເກົາຫຼີ
(ພາບ: VGP/Nhật Bắc)
(vovworld) - ຕອນບ່າຍວັນທີ 5/4, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ໄດ້ໃຫ້ການຕ້ອນຮັບປະທານ, ທັງເປັນຜູ້ອຳນວຍການໃຫຍ່ທະນາຄານ ຂາອອກ - ຂາເຂົ້າ ສ ເກົາຫຼີ Kim Yong Hwan ທີ່ພວມມີການເຮັດວຽກຢູ່ ຫວຽດນາມ. ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນວ່າ: ຫວຽດນາມ ຖືເປັນສຳຄັນ ແລະ ປາດຖະໜາຢາກພ້ອມກັບ ສ ເກົາຫຼີ ສືບຕໍ່ນຳການພົວພັນຮ່ວມມືລະຫວ່າງ 2 ປະເທດໃຫ້ນັບມື້ນັບກ້າວເຂົ້າສູ່ລວງເລີກ, ມີປະສິດທິຜົນ, ແທດຈິງ. ທ່ານນາຍົກລັດຖະມົນຕີ ຕີລາຄາສູງທະນາຄານຂາອອກ - ຂາເຂົ້າ ສ ເກົາຫຼີ ໄດ້ມີການປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວຊຸກຍູ້ການຮ່ວມມືການຄ້າ, ການລົງທຶນ ຫວຽດນາມ - ສ ເກົາຫຼີ ກໍ່ຄືອຸປະຖຳທຶນ ODA ໃຫ້ແກ່ ຫວຽດນາມ, ຫວັງວ່າ ທະນາຄານ ຂາອອກ - ຂາເຂົ້າ ສ ເກົາຫຼີ ສືບຕໍ່ມີການປະກອບສ່ວນຢ່າງມີປະສິດທິຜົນກ່ວາອີກ ເຂົ້າໃນການຊຸກຍູ້ການພົວພັນຮ່ວມມືລະຫວ່າງ 2 ປະເທດໃນຂົງເຂດການຄ້າ, ການລົງທຶນ, ODA ກໍ່ຄືການເຄື່ອນໄຫວໜູນຊ່ວຍເຫຼືອບັນດາໂຄງການລົງທຶນກໍ່ສ້າງພື້ນຖານໂຄງລ່າງຂອງ ຫວຽດນາມ.
ທ່ານ Kim Yong Hwan ຢືນຢັນວ່າ: ທະນາຄານ ຂາອອກ - ຂາເຂົ້າ ສ ເກົາຫຼີ ຈະສືບຕໍ່ສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການ, ວິສາຫະກິດຂອງ ຫວຽດນາມ ເພື່ອສືບຕໍ່ມີບັນດາການປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການຮ່ວມມືການຄ້າ, ການລົງທຶນ ຫວຽດນາມ - ສ ເກົາຫຼີ, ໃນນັ້ນຈະມານະພະຍາຍາມຈົນສຸດຄວາມສາມາດຂອງຕົນໃນການໜູນຊ່ວຍສິນເຊື່ອເພື່ອໃຫ້ບັນດາວິສາຫະກິດ ສ ເກົາຫຼີ ປະຕິບັດບັນດາໂຄງການທີ່ພວມໄດ້ຮັບກັນຜັນຂະຫຍາຍຢູ່ ຫວຽດນາມ ສຳເລັດຜົນ.