ນາຍົກລັດຖະມົນຕີ ຫງວຽນເຕີນຢຸງ ເຂົ້າຮ່ວມກອງປະຊຸມສຸດຍອດເຂດອະນຸພາກພື້ນແມ່ນ້ຳຂອງເປີດກວ້າງຄັ້ງທີ 5
(ທ່ານນາຍົກລັດຖະມົນຕີ ຫງວຽນເຕີນຢຸງ)
(vovworld) – ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີໄທ ປະຣຸດ ຈັນໂອຈາ, ວັນທີ 19/12, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ນຳໜ້າຄະນະຜູ້ແທນຫວຽດນາມ ເດີນທາງອອກຈາກຮ່າໂນ້ຍ ໄປເຂົ້າຮ່ວມກອງປະຊຸມສຸດຍອດເຂດອະນຸພາກພື້ນແມ່ນ້ຳຂອງເປີດກວ້າງຄັ້ງທີ 5 ຢູ່ ບາງກອກ, ປະເທດໄທ. ເຂົ້າຮ່ວມຄະນະຜູ້ແທນຄັ້ງນີ້ມີທ່ານລັດຖະມົນຕີວ່າການ, ຫົວໜ້າຫ້ອງວ່າການລັດຖະບານ ຫງວຽນວັນເນັນ, ທ່ານລັດຖະມົນຕີວ່າການກະຊວງແຜນການ ແລະ ການລົງທຶນ ບຸຍກວາງວິງ; ລັດຖະມົນຕີຊ່ວຍວ່າການບັນດາກະຊວງ: ການຕ່າງປະເທດ, ຄົມມະນາຄົມຂົນສົ່ງ…
ຫວຽດນາມ ເຂົ້າຮ່ວມກອງປະຊຸມສຸດຍອດເຂດອະນຸພາກພື້ນແມ່ນ້ຳຂອງເປີດກວ້າງຄັ້ງທີ 5 ແມ່ນສະແດງໃຫ້ເຫັນຄວາມນັບຖືຂອງຫວຽດນາມ ທີ່ມີຕໍ່ກົນໄກອະນຸພາກພື້ນແມ່ນ້ຳຂອງເປີດກວ້າງ (GMS); ຢືນຢັນບົດບາດ ແລະ ຍົກສູງທີ່ຕັ້ງຂອງຫວຽດນາມ ໃນການຮ່ວມມືອະນຸພາກພື້ນ, ຊຸກຍູ້ການຮ່ວມມືພາກພື້ນ ແລະ ການພົວພັນມິດຕະພາບຂອງຫວຽດນາມ ກັບບັນດາປະເທດອະນຸພາກພື້ນແມ່ນ້ຳຂອງ; ຊຸກຍູ້ ແລະ ຍາດແຍ່ງບັນດາເນື້ອໃນໃຫ້ບຸລິມະສິດທີ່ເໝາະສົມກັບທິດທາງພັດທະນາເສດຖະກິດສັງຄົມ, ຮັບປະກັນຜົນປະໂຫຍດຂອງຫວຽດນາມ, ສະແຫວງຫາການສະໜັບສະໜູນຢ່າງແຮງຂອງປະຊາຄົມສາກົນ ສຳລັບຄວາມມານະພະຍາຍາມຄຸ້ມຄອງ, ນຳໃຊ້ແຫຼ່ງນ້ຳແມ່ຂອງ; ປັບປຸງການພົວພັນຄູ່ຮ່ວມມືຍຸດທະສາດຫວຽດນາມ - ໄທ.