ນາຍົກລັດຖະມົນຕີ ຫງວຽນເຕີ້ນຢຸງຕ້ອນຮັບສະມາຊິກສະພາສູງອາເມລິກາ
(ທ່ານນາຍົກລັດຖະມົນຕີ ຫງວຽນເຕີ້ນຢຸງ
ຕ້ອນຮັບສະມາຊິກສະພາສູງອາເມລິກາ)
(vovworld) – ຕອນເຊົ້າວັນທີ 9/8, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ໃຫ້ການຕ້ອນຮັບທ່ານສະມາຊິກສະພາສູງອາເມລິກາ John McCain, ສະມາຊິກກຳມາທິການວຽກງານການທະຫານ ແລະ ກຳມາທິການການຕ່າງປະເທດສະພາສູງອາເມລິກາ ແລະ ທ່ານສະມາຊິກສະພາສູງ Sheldon Whitehouse ພ້ອມກັບທີ່ປຶກສາ, ຜູ້ຊ່ວຍວຽກ ພວມຢ້ຽມຢາມ ແລະ ເຮັດວຽກຢູ່ຫວຽດນາມ.
ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງຕີລາຄາສູງບັນດາການປະກອບສ່ວນຂອງທ່ານ John McCain ເຂົ້າໃນການເພີ່ມທະວີການພົວພັນມິດຕະພາບລະຫວ່າງຫວຽດນາມ - ອາເມລິກາ. ທ່ານນາຍົກ ລັດຖະມົນຕີຫວຽດນາມ ຫງວຽນເຕີ້ນຢຸງ ສະເໜີອາເມລິກາສະໜັບສະໜູນຫວຽດນາມໃນການເຈລະຈາສັນຍາຄູ່ຮ່ວມມືເສດຖະກິດຂ້າມປາຊີຟິກ (TPP) ແລະ ຖືວ່າການເຈລະຈາສຳເລັດຜົນ ແລະ ລົງນາມໃນ ສັນຍາຄູ່ຮ່ວມມືເສດຖະກິດຂ້າມປາຊີຟິກ (TPP)ຈະເປີດຫຼາຍໂອກາດໃຫ່ແກ່ການພົວພັນຮ່ວມມື ລະຫວ່າງ 2 ປະເທດ. ຫວຽດນາມຫວັງຊຸກຍູ້ການຮ່ວມມືດ້ານປ້ອງກັນຊາດປ້ອງກັນຄວາມສະຫງົບກັບອາເມລິກາຍິ່ງກວ່າອີກ, ຮ່ວມມືໜູນຊ່ວຍຫວຽດນາມແກ້ໄຂຜົນຮ້າຍຢ່ອນຫຼັງຈາກສົງຄາມ.
ກ່ຽວກັບບັນຫາສິດທິມະນຸດ, ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ ຫວຽດນາມ ພວມມານະພະຍາຍາມເພື່ອຮັບປະກັນສິດຂອງມະນຸດໃຫ້ນັບມື້ນັບດີກວ່າ ຍ້ອນສິດທິມະນຸດແມ່ນຈຸດໝາຍ ແລະ ກໍ່ແມ່ນຄຳຮຽກຮ້ອງອັນຊອບທຳຂອງປະຊາຊົນຫວຽດນາມ. ທ່ານນາຍົກລັດຖະມົນຕີໃຫ້ຮູ້ວ່າ ສະພາບສິດທິມະນຸດຢູ່ຫວຽດນາມ ນັບມື້ນັບໄດ້ຮັບການປັບປຸງ, ພ້ອມທັງຢືນຢັນວ່າ ຍາມໃດຫວຽດນາມ ກໍ່ພ້ອມແລ້ວການເຈລະຈາຢ່າງກົງໄປກົງມາກັບອາເມລິກາ ກ່ຽວກັບບັນຫານີ້.
ທ່ານສະມາຊິກສະພາສູງອາເມລິກາ McCain ກໍ່ຢືນຢັນວ່າ ຈະພ້ອມກັບສະມາຊິກສະພາສູງ Sheldon Whitehouse ສະເໜີໃຫ້ສະພາແຫ່ງຊາດອາເມລິກາ ຍົກເລີກຄຳສັ່ງຫ້າມຂາຍອາວຸດໃຫ້ແກ່ຫວຽດນາມ. ສະມາຊິກສະພາສູງ 2 ທ່ານກໍ່ໃຫ້ຮູ້ວ່າ ອາເມລິກາ ປາດຖະໜາຢາກເພີ່ມທະວີບັນດາການເຄື່ອນໄຫວຮ່ວມມືກັບຫວຽດນາມ ໃນຂົງເຂດຄວາມໝັ້ນຄົງທາງທະເລ, ຄວາມປອດໄພທາງອີນເຕີແນັດ, ປົກປັກຮັກສາສິ່ງແວດລ້ອມຊີວະນາໆພັນ…