ທ່ານນາຍົກລັດຖະມົນຕີ ອັງກິດ ຄົນໃໝ່ Boris Johnson (ພາບ: AFP/TTXVN)

ແຫຼ່ງຂ່າວຈາກການທູດເຊິ່ງສື່ມວນຊົນ ອັງກິດ ໄດ້ຄັດສະເໜີໃນວັນທີ 11 ສິງຫາ ໃຫ້ຮູ້ວ່າ: ພາຍຫລັງການຊັ່ງຊາເປັນຫລາຍຄັ້ງແລ້ວ, ທ່ານນາຍົກລັດຖະມົນຕີ ອັງກິດ ຄົນໃໝ່ Boris Johnson ໄດ້ເຫັນດີການສະເໜີຂອງທ່ານນາຍົກລັດຖະມົນຕີ ໄອແລນ  Leo Varadkar ກ່ຽວກັບເລື່ອງຈັດຕັ້ງການພົບປະຂັ້ນສູງ ເພື່ອປຶກສາຫາລືກ່ຽວກັບບັນຫາ ອັງກິດ ຖອນຕົວອອກຈາກສະຫະພາບ ເອີຣົບ (Brexit) ແລະ ພິເສດແມ່ນມາດຕາ backstop ທີ່ກ່ຽວຂ້ອງເຖິງຊາຍແດນລະຫວ່າງສາທາລະນະລັດ ໄອແລນ  ແລະ ຜືນແຜ່ນດິນ ອຽກລັງເໜືອ ທີ່ຂຶ້ນກັບລາຊະອານາຈັກ ອັງກິດ. ວັນເວລາ ແລະ ສະຖານທີ່ລະອຽດຂອງການພົບປະ 2 ຝ່າຍຈະປະກາດຕາມພາຍຫລັງ ແຕ່ສື່ມວນຊົນ ອັງກິດ ຖືວ່າ: ການພົບປະຄັ້ງນີ້ ຈະດຳເນີນກ່ອນກອງປະຊຸມສຸດຍອດ G7 ໃນທ້າຍເດືອນນີ້ຢູ່ ຝຣັ່ງ.